यूहन्‍ना 16:23 - परमेश्‍वरए ताँ तमु क्युइर

²³ “च त्‍हिंइर क्‍हेमैंइ ङने तोइ ङ्योएरिब् आरे। क्ह्रोंसेंन ङ क्हेमैंने बिमुँ, क्हेमैंइ ङए मिंर आबाने तोइ ह्रिलेया खीजी क्हेमैंलाइ पिंब्‍मुँ।

यूहन्‍ना 16:23 ပူးပေါင်းရင်းမြစ်များ

मत्ती 21:22

क्हेमैंइ परमेश्‍वरए फिर बिश्‍वास लसि प्राथनानर तो सै ह्रिलेया योंब्‍मुँ।”

मत्ती 7:7

“ह्रिब्रें लद् परमेश्‍वरजी क्‍हेमैंलाइ पिंब्मुँ। म्हैब्रें लद् क्‍हेमैंइ योंब्मुँ। म्रार ह्राब्रें लद् क्हेमैंए ल्हागिरि म्रा थोंमिंब्मुँ।

यूहन्‍ना 14:20

ङ ङए आबाने मुँ, क्हेमैं ङने मुँ, धै ङै या क्हेमैंने मुँ बिब च त्हिंइर क्हेमैंइ सेब्मुँ।

यूहन्‍ना 14:22

यहूदइ (इस्‍करियोतथें आङिं) येशूने “प्रभु, क्हिजी तो बिब् जा छ बिब क्हि ङि ङाँर मत्‍त्रे म्रोंयुम्‍मा? ह्‍युलर्बै म्हिमैं ङाँर आम्रोंयु वा?” बिसि ङ्योएमा।

यूहन्‍ना 14:5

थोमाइ येशूने बिइ, “ओ प्रभु, क्‍हि खनिर ह्‍यासिन् मुँ ङिइ आसे, छतसि ङिइ घ्याँ खैले ङो सेब?”

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

यूहन्‍ना 16:19

चमैंइ खीने चु ताँए बारेर ङ्योएबै सैं लसिन् मुँ बिब येशूजी था सेइ। छतसि खीजी बिइ, “‘तिस्‍याँदे लिउँइँ क्‍हेमैंइ ङ म्रोंरिब् आरे, झाइले तिस्याँदे लिउँइँ क्हेमैंइ ङ धबै म्रोंब्मुँ,’ बिबै अर्थ तो मुँगे बिसि क्हेमैंए न्होंर छलफल लरिल् वा?

यूहन्‍ना 16:26

च त्हिंइर क्‍हेमैं ह्रोंसइन ङए मिंर परमेश्‍वरने ह्रिब्मुँ। ङइ क्‍हेमैंए ल्हागिर आबाने ह्रिमिंल् आत्हु।

यूहन्‍ना 16:30

क्हिजी तोन्दोंरि ताँ सेमना बिसि तारे ङिइ क्होइ। खाबज्यै या क्हिने ताँमैं ङ्योएल् आत्हु। छतसि क्हि परमेश्‍वर आबाउँइँले युब् ग बिसि ङिइ क्वेंइमुँ।”

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

१ यूहन्‍ना 2:1

ओ ङए कोलोमैं, क्‍हेमैंइ पाप आलरिगे बिसि ङइ चु प्ह्रिछ्या प्‍ह्रिरिइमुँ। दिलेया खाबज्‍यै या पाप लइबिस्‍याँ ङ्योए ल्हागिर परमेश्‍वर आबाने क्षमा ह्रिमिंबै येशू ख्रीष्‍ट मुँ। खीजी ठिक के लम्।