यूहन्‍ना 16:21 - परमेश्‍वरए ताँ तमु क्युइर

²¹ कोलो फिबै त्‍हे तमा च्हमिरिमैं बेल्‍ले दुःख तम्, दिलेया कोलो फिल् खाँब लिउँइँ चइ ताँन् दुःख म्‍ले‍याम्। तलेबिस्याँ ह्‍युलरि कोलो घ्रि फिइ बिसि च बेल्‍ले सैं तोंम्।

यूहन्‍ना 16:21 ပူးပေါင်းရင်းမြစ်များ

उत्पत्ति 3:16

झाइले खीजी च्हमिरिने बिइ, “क्हिए प्हसे फिबै त्हेर्बै बेथा ङइ बेल्‍ले बडिमिंब्‍मुँ। क्हिइ दुःखले प्हसे फिब्‍मुँ। क्हिए सैं प्युँ ङाँइँन तरिब्‍मुँ, छतसि चइ क्हिए फिर क्‍ल्हे लब्‍मुँ।”

भजनमैं 113:9

थरिस्योलाइ खीजी सैं तोंल्‍ले टिबै ल्हागिरि परवा पिंम्। याहवेहए मिं थेब् लद्!

गलाती 4:27

च यरूशलेम ङ्हिंए बारेर परमेश्‍वरए छ्वेर छले प्‍ह्रिइमुँ, “ओ थरिस्योमैं, सैं तोंन्! ओ सुत्‍केरि बेथा सैदिल् आत्हुबै च्हमिरि, सैं तोंसि कै तेद्! तलेबिस्याँ प्युँ मुँबै च्हमिरिल् भन्दा प्‍युँइ वाबै च्हमिरिल् प्‍हसेमैं ल्‍हें तब्मुँ।”

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।