यूहन्‍ना 16:20 - परमेश्‍वरए ताँ तमु क्युइर

²⁰ क्ह्रोंसेंन ङ क्हेमैंने बिमुँ, क्हेमैं न्हुँ लसि क्रोब्मुँ, दिलेया ह्‍युलर्बै म्हिमैं बिस्याँ सैं तोंब्मुँ। क्हेमैं न्हुँ लसि टिलेया लिउँइँ सैं तोंल् योंब्मुँ।

यूहन्‍ना 16:20 ပူးပေါင်းရင်းမြစ်များ

भजनमैं 30:11

ङ क्रोरिमा क्हिजी ङ सैं तोंल् लमिंइ; क्हिजी ङए नइँए ह्रेंग प्लिमिंसि खाँसों ङ्हाँबै क्वें खिमिंइ।

भजनमैं 30:5

तलेबिस्याँ खी तिस्याँदे मत्‍त्रे ह्रिस खम्, दिलेया ङ्योए छ्ह तिगोंन् खीजी ल्हयो खरिम्। म्हुँइँस् तिमिंन् मिग्लि युलेया न्हाँगर बिस्याँ सैं तोंल् योंब्मुँ।

भजनमैं 97:11

ठिक के लब्मैंए फिर परमेश्‍वरए ह्‍वे चारम्, धै छ्याँबै खों प्ह्‍याब्मैं सैं तोंल् योंब्मुँ।

मत्ती 21:38

दिलेया च आधे लब्‍मैंइ क्ल्हेए च्‍ह खरिब् म्रोंमा ‘झन्, चम् हग योंल् त्‍हुबै च्‍ह ग। चलाज्यै या सैवाले! चलाइ सैवास्‍याँ चए ताँन् सै न्होर ङ्योलन् तब्मुँ,’ बिसि मत लइ।

मत्ती 5:4

शोक लब्‍मैंइ आशिक योंब्मुँ, तलेबिस्याँ परमेश्‍वरजी चमैंए सैं क्‍होल् लमिंब्‍मुँ।

मर्कूस 14:72

छ बिबै तोदोंन् ङ्हिखेबै लार नग भाले ओरइ। च लिउँइँ मत्‍त्रे पत्रुसइ ओंसोंन् येशूजी “तिंयाँ म्‍हुँइँसर ङ्हिखेबै लार नग भाले ओरब् ओंसोंन् सोंखे समा क्हिइ ङलाइ ङो आसे बिब्‍मुँ,” बिबै ताँ मैंसि पत्रुस बेल्‍ले क्रोइ।

मर्कूस 16:10

मरियम ह्‍यासि येशूए चेलामैंने “येशू धबै सोगों तसि खइमुँ” बिइ, च त्हेर चमैं बेल्‍ले शोक लसि क्रोब-म्‍होब लरिल।

लूका 22:45

छले प्राथना लसि येशू ह्रोंसए चेलामैं ङाँर एखमा चमैं शोकइ लमा नारसि रोरिब स्याइ।

लूका 22:62

झाइले पत्रुस बैरु त्‍होंह्‍यासि बेल्‍ले क्रोइ।

लूका 23:27

म्हिए हुल येशूए लिलि प्ररिल। चमैं न्‍होंरि च्हमिरिमैं या मुँल। चमैं सैं आतोंसि क्रोरिल।

लूका 24:17

“क्‍हेमैं प्रदै तो ताँए बारेर छलफल लरिल?” बिसि येशूजी चमैंने ङ्योएमा चमैं प्ररिबै तोंर्न सैं आतोंब् धोंले रायइ।

लूका 24:21

‘ङ्योए इस्राएलीमैंलाइ जोगेमिंबै म्‍हि येशून् ग,’ बिसि ङिइ आशा लल। दिलेया येशू सिसि तिंयाँ सोंरो तल् खाँइ।

लूका 6:21

ओ तोगो फो ख्रेंब्मैं, क्हेमैंइ आशिक योंब्मुँ तलेबिस्याँ क्‍हेमैंइ म्रेंन्ले चल् योंब्‍मुँ। तोगो क्रोब्‍मैंइ आशिक योंब्मुँ, तलेबिस्याँ क्‍हेमैं निस्‍योल् योंब्‍मुँ।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

यूहन्‍ना 16:6

दिलेया ङइ चु ताँ बिबइले क्हेमैंए सैंर बेल्‍ले न्हुँ तइमुँ।

यूहन्‍ना 20:20

च्हौ बिसि खीजी चमैंने खीए यो नेरो कोखै या उँइँइ। “प्रभुन् मुँन” बिब् सेसि चेलामैं बेल्‍ले सैं तोंइ।

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

रोमी 5:11

च्‍हौ मत्‍त्रे आङिं, येशू ख्रीष्‍टउँइँले ङ्यो परमेश्‍वरर सैं तोंरिइमुँ, तलेबिस्याँ येशू ख्रीष्‍टउँइँले ङ्यो परमेश्‍वरए म्हिमैं तल् योंइमुँ।

२ कोरिन्थी 6:10

न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्‍हिमैंलाइ प्‍ल्होब लमिंम्, ङि तोइ आरेब् धों तलेया ख्रीष्‍टए फिर बिश्‍वास लबइले ङिइ तोन्दोंरि सै योंइमुँ।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

१ थेसलोनिकी 1:6

ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

याकूब 1:2

ओ ङए अलि-अङाँमैं, क्‍हेमैंए फिर ल्हें खालर्बै दुःख खमा बेल्‍ले सैं तोंन्।

यहूदाइ प्‍ह्रिबै प्ह्रिछ्या 1:24

क्‍हेमैंलाइ पापर च्होवाबै सैउँइँले परमेश्‍वरजी जोगेल् खाँम्, धै तोइ छ्याब् आरेब् लमिंसि परमेश्‍वरए उँइँर सैं तोंन्ले टिल् योंब लमिंल् खाँम्।

दर्शन 11:10

चु अगमबक्‍तामैं ङ्हिंइ पृथ्‍बीर्बै म्‍हिमैं ल्हें दुःख पिंल। छतसि चमैंए सिनु म्रोंसि पृथ्‍बीर्बै म्‍हिमैं बेल्‍ले सैं तोंब्‍मुँ, धै चमैंइ खें-खेंमैंए न्होंर चिनु पिंब-किंब लब्‍मुँ।

दर्शन 18:7

चइ खैले सयल लसि सुख योंल, छलेन् चए फिर दुःख नेरो शोक तल् पिंन्। तलेबिस्याँ ‘ङ चुर म्रुँस्‍यो तसि टिइमुँ। म्हरेस्योलाइ धोंले ङलाइ शोक तरिब् आरे, ङ क्रोब-म्‍होब खोंयोंइ लल् त्हुरिब् आरे!’ बिसि चइ मैंम्।