यूहन्‍ना 16:14 - परमेश्‍वरए ताँ तमु क्युइर

¹⁴ ङइ बिबै ताँमैं खीजी क्हेमैंने बिमिंसि ङए मान लब्मुँ।

यूहन्‍ना 16:14 ပူးပေါင်းရင်းမြစ်များ

यूहन्‍ना 14:21

ङइ बिबै ताँ ङिंब्मैं ङलाइ म्हाँया लब्मैं ग। धै ङलाइ म्हाँया लब्मैंने ङए आबाजी म्हाँया लब्मुँ। ङज्यै या चमैंलाइ म्हाँया लब्मुँ, झाइले ङ चमैं ङाँर म्रोंयुब्मुँ।”

यूहन्‍ना 15:26

“ङइ आबाउँइँले ल्होमिंबै पबित्र प्ल्ह क्हेमैं ङाँर कुल्मिंब्मुँ, खी परमेश्‍वर आबाउँइँले युब्मुँ, खीजीन् ङए बारेर ग्वाइ पिंब्मुँ।

यूहन्‍ना 7:39

येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

१ कोरिन्थी 12:3

छतसि क्‍हेमैंइ चु ताँ क्होरिगे बिब ङए सैं मुँ, परमेश्‍वरए प्ल्हउँइँले पोंबै म्हिइ येशूलाइ स्यारल् आखाँ, झाइले अर्को ताँ पबित्र प्ल्हउँइँले मत्‍त्रे “येशून् प्रभु ग” बिल् खाँम्।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

गलाती 5:5

दिलेया ङ्योइ बिस्याँ पबित्र प्ल्हउँइँलेन् ख्रीष्‍टए फिर्बै बिश्‍वासइ परमेश्‍वरए उँइँर ठिक ठर्दिबै ल्हागिर ङ्योइ खीए घ्याँन् ङ्ह्‍योरिम्।

१ पत्रुस 2:7

छतसि क्हेमैं बिश्‍वास लब्मैंए ल्हागिर च युमाँ बेल्‍ले थेब सै लसे लल् आखाँब मुँ, दिलेया बिश्‍वास आलब्मैंए ल्हागिर बिस्याँ, “धिं बनेब्मैंइ केर आफे बिसि भ्योंवाबै युँमान् तेंर्बै क्र युँमा तइ।”

१ यूहन्‍ना 3:23

खीजी बिबै ताँ चुन् ग: खीए च्‍ह येशू ख्रीष्‍टए फिर ङ्योइ बिश्‍वास लल् त्‍हुम्, धै खीजी लद् बिब् धोंले घ्रिइ घ्रिने म्हाँया लल् त्‍हुम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

१ यूहन्‍ना 5:6

येशू ख्रीष्‍टजी क्युर प्ल्हुँसि बप्‍तिस्‍मा किंइ, धै क्रूसर सिमिंसि ह्रोंसए को पिंइ। छतसि खी म्हि तसि ह्‍युलर युइ बिबै ग्वाइ पिंब्मैं क्यु नेरो को ग। क्युउँइँले मत्‍त्रे आङिं, क्यु नेरो कोउँइँले युइ। खीए ग्वाइ पबित्र प्ल्हज्यै या ग्वाइ पिंइमुँ, तलेबिस्याँ पबित्र प्ल्हजी स्योर आते।

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।