यूहन्‍ना 16:13 - परमेश्‍वरए ताँ तमु क्युइर

¹³ दिलेया क्ह्रोंसेंन्बै ताँ लोमिंबै पबित्र प्ल्ह युब्मुँ, धै खीजी क्हेमैं ताँन् क्ह्रोंसेंन्बै छ्याँबै घ्याँर डोरेमिंब्मुँ। खीजी ह्रोंसए सैंर मैंब् धोंले आपों। खीजी तो ताँ थेमुँ चन् पोंब्मुँ, धै लिउँइँ तखबै ताँमैं क्हेमैंने बिमिंब्मुँ।

यूहन्‍ना 16:13 ပူးပေါင်းရင်းမြစ်များ

यूहन्‍ना 12:49

तलेबिस्याँ ङइ च ताँमैं ह्रोंसए सैंउँइँले पोंब आङिं। ङइ बिल् त्हुबै ताँ नेरो पोंल् त्हुबै ताँ ङ कुल्मिंबै आबाजीन् ङलाइ ‘पोंन्’ बिसि ल्हैदिइमुँ।

यूहन्‍ना 14:17

खी क्ह्रोंसेंन्बै ताँ लोमिंबै पबित्र प्ल्ह ग। ह्‍युलर्बै म्हिमैंइ खीलाइ आक्वें, तलेबिस्याँ ह्‍युलर्बै म्हिमैंइ खी म्रोंइ आम्रोंइमुँ, सेइ आसेइमुँ। दिलेया क्हेमैंमि खीलाइ सेइमुँ। तलेबिस्या खी क्हेमैंने बालुन् टिमुँ, धै खी क्हेमैंनेन् तरिब्मुँ।

यूहन्‍ना 14:26

आबाजी ङए मिंर क्हेमैंलाइ ल्होमिंबै पबित्र प्ल्ह कुलमिंब्मुँ। खीजी क्‍हेमैंलाइ तोन्दोंरि ताँमैं लोमिंब्‍मुँ। धै ङइ क्‍हेमैंने ओंसोंन् बिबै ताँन् ताँमैं क्हेमैंलाइ चिमिंब्‍मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 15:26

“ङइ आबाउँइँले ल्होमिंबै पबित्र प्ल्ह क्हेमैं ङाँर कुल्मिंब्मुँ, खी परमेश्‍वर आबाउँइँले युब्मुँ, खीजीन् ङए बारेर ग्वाइ पिंब्मुँ।

यूहन्‍ना 16:12

“ङइ क्‍हेमैंने बिल् त्‍हुबै ताँ ल्‍हेन् मुँ, दिलेया च ताँमैं तोगो क्हेमैंइ सैदिल् आखाँ।

यूहन्‍ना 3:32

खीजी तो म्रोंइँमुँ, तो थेइमुँ, चन् बिम्, दिलेया खीजी बिबै ताँ खाबज्यै आक्‍वें।

यूहन्‍ना 8:38

ङए आबा ङाँर मुँमा ङइ तो-तो म्रोंइँमुँ, चन् ङइ बिमुँ। छलेन क्‍हेमैंए आबाउँइँले क्‍हेमैंइ तो थेमुँ चन् लमुँ।”

चेला चिब्मैंए केमैं 11:28

चमैंए न्‍होंरि अगाबस मिं मुँबै म्हि घ्रि मुँल। ताँन् ह्‍युलर थेबै अँङ्गल् तबि छेइमुँ बिसि लिउँइँ तखबै ताँ पबित्र प्ल्हउँइँले चइ पोंइ। (च अँङ्गल् थेबै क्‍लौडियस म्रुँए पलोर तल।)

चेला चिब्मैंए केमैं 20:23

चर्बै म्हिमैंइ ङ झेलर च्युवाब्मुँ धै ङए फिर दुःख खब्मुँ बिसि पबित्र प्ल्हजी ताँन् सहरर ङने था पिंइँमुँ, च्हौ मत्‍त्रे ङइ सेइमुँ।

चेला चिब्मैंए केमैं 27:24

च स्वर्गदूतइ ङने बिइ, ‘ओ पावल, आङ्हिंन्! क्हि कैसर म्रुँए उँइँर खैलसे या राल् त्हुम्। धै क्हिने क्यु झाजर क्रेब्मैं ताँनए ज्यु परमेश्‍वरजी क्हिए योर पिंइमुँ।’

२ थेसलोनिकी 2:12

क्ह्रोंसेंन्बै ताँ आक्वेंसि आछ्याँबै केर सैं तोंब्मैं ताँन् दोषि ठर्दिरिगे बिसि परमेश्‍वरजी छ लब् ग।

२ थेसलोनिकी 2:3

खाबज्‍यै या क्‍हेमैंलाइ लुल् आपिंन्, तलेबिस्याँ प्रभु येशू युब् भन्‍दा ओंसों ल्‍हें म्‍हिमैंइ परमेश्‍वरए बिरोध लब्मुँ, धै परमेश्‍वरए थेबै शत्तुर घ्रि त्‍होंब्‍मु। च ठिम बिरोध लबै दुष्‍ट शत्तुर आखिरर नास तल् त्‍हुब्‍मु।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

१ यूहन्‍ना 2:20

दिलेया क्‍हेमैंए फिर ख्रीष्‍टजी पबित्र प्ल्ह प्लिंमिंइमुँ, छतसि क्‍हेमैं ताँनइ क्ह्रोंसेंन्बै ताँ सेइमुँ।

१ यूहन्‍ना 2:27

दिलेया ख्रीष्‍टजी ह्रोंसए पबित्र प्ल्हजी क्‍हेमैंलाइ प्लिंमिंइमुँ, छतसि क्‍हेमैंलाइ अरू लोमिंबै म्‍हि आचैदि। ताँन् सैए बारेर खीए प्ल्हजी क्‍हेमैंलाइ लोमिंम्, खीजी लोमिंबै ताँ क्ह्रोंसेंन्बै ग, स्‍योर आङिं। छतसि पबित्र प्ल्हजी लोमिंबै ताँमैं ङिंनु, धै छ्ह तिगोंन् ख्रीष्‍टनेन् घ्रिन् तसि प्रद्।

१ यूहन्‍ना 4:6

दिलेया ङ्यो परमेश्‍वरए म्हिमैं ग। छतसि परमेश्‍वरलाइ ङो सेब्‍मैंइ ङ्योए ताँ थेम्, दिलेया परमेश्‍वरए म्हिमैं आङिंब्मैंइ ङ्योए ताँ आथे। चु ताँउँइँलेन् ङ्योइ क्ह्रोंसेंन्बै प्ल्ह नेरो स्योलिबै प्ल्ह था सेल् खाँम्।

१ यूहन्‍ना 5:6

येशू ख्रीष्‍टजी क्युर प्ल्हुँसि बप्‍तिस्‍मा किंइ, धै क्रूसर सिमिंसि ह्रोंसए को पिंइ। छतसि खी म्हि तसि ह्‍युलर युइ बिबै ग्वाइ पिंब्मैं क्यु नेरो को ग। क्युउँइँले मत्‍त्रे आङिं, क्यु नेरो कोउँइँले युइ। खीए ग्वाइ पबित्र प्ल्हज्यै या ग्वाइ पिंइमुँ, तलेबिस्याँ पबित्र प्ल्हजी स्योर आते।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।

दर्शन 1:19

छतसि तोगो म्रोंरिबै ताँमैं नेरो लिउँइँ तखबै ताँमैं ङ्हिंन-ङ्हिंन् क्‍हिइ प्‍ह्रिद्।