यूहन्‍ना 15:7 - परमेश्‍वरए ताँ तमु क्युइर

⁷ क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

यूहन्‍ना 15:7 ပူးပေါင်းရင်းမြစ်များ

भजनमैं 119:11

क्हिए बिरोधर ङइ पाप आलरिगे बिसि क्हिजी बिबै ताँमैं ङए सैं न्होंर जोगेसि थेंइमुँ।

भजनमैं 37:4

याहवेहनेन् सैं तोंन्, धै खीजी क्हिए सैंर मैंबै ताँमैं योमिंब्मुँ।

हितोपदेश 10:24

तो सैने दुष्‍ट म्हि ङ्हिंमुँ, च सैन् चए फिर तखब्मुँ, दिलेया ठिक के लब्मैंए सैंर मैंब पूरा तब्मुँ।

हितोपदेश 4:4

ङए आबाइ ङ लोदा सैंदा लदै “ङइ बिबै ताँमैं क्हिए सैंर थेंन्; ङइ बिबै ताँमैं ङिंन्, छलस्याँ क्हिइ छेनाले छ्ह थोब्मुँ,” बिमल।

मत्ती 7:7

“ह्रिब्रें लद् परमेश्‍वरजी क्‍हेमैंलाइ पिंब्मुँ। म्हैब्रें लद् क्‍हेमैंइ योंब्मुँ। म्रार ह्राब्रें लद् क्हेमैंए ल्हागिरि म्रा थोंमिंब्मुँ।

यूहन्‍ना 14:13

क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 16:23

“च त्‍हिंइर क्‍हेमैंइ ङने तोइ ङ्योएरिब् आरे। क्ह्रोंसेंन ङ क्हेमैंने बिमुँ, क्हेमैंइ ङए मिंर आबाने तोइ ह्रिलेया खीजी क्हेमैंलाइ पिंब्‍मुँ।

यूहन्‍ना 8:31

येशूजी खीए फिर बिश्‍वास लबै यहूदीमैंने बिइ, “क्‍हेमैंइ ङइ बिबै ताँ ङिंस्‍याँ क्‍हेमैं ङए क्‍ह्रोंसेंन्‍बै चेलामैं तब्‍मुँ।

यूहन्‍ना 8:37

क्‍हेमैं अब्राहामए सन्तानमैं ग बिसि ङइ सेइमुँ। दिलेया क्‍हेमैंइ ङ सैल् म्हैमुँ, तलेबिस्याँ ङइ बिबै ताँ क्‍हेमैंइ थेदा आङ्हाँ।

गलाती 4:2

झाइले आबाइ तोक्दिबै त्हे समा च कोलो ङ्ह्‍योबै म्हिमैंए न्होंर टिल् त्‍हुम्।

गलाती 5:16

धबै ङ क्हेमैंने बिमुँ: पबित्र प्ल्हजी बिब् धोंले प्रद्, ह्रोंसए सैंउँइँले खबै आछ्याँबै ताँमैंए लिलि आप्रद्।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

१ यूहन्‍ना 2:14

ओ चिबनाँब्मैं, ओंसों ओंनोंन् मुँबै परमेश्‍वरलाइ क्‍हेमैंइ ङो सेइमुँ, छतसि ङइ क्हेमैंलाइ चु ताँ प्‍ह्रिरिइमुँ। ओ फ्रेंसिमैं, क्‍हेमैं भोंब मुँ, धै क्‍हेमैंए खोंर परमेश्‍वरए बचन थेंइमुँ, धै क्‍हेमैंइ दुष्‍टलाइ ट्होइमुँ, छतसि ङइ क्हेमैंलाइ चु ताँ प्‍ह्रिरिइमुँ।

१ यूहन्‍ना 2:27

दिलेया ख्रीष्‍टजी ह्रोंसए पबित्र प्ल्हजी क्‍हेमैंलाइ प्लिंमिंइमुँ, छतसि क्‍हेमैंलाइ अरू लोमिंबै म्‍हि आचैदि। ताँन् सैए बारेर खीए प्ल्हजी क्‍हेमैंलाइ लोमिंम्, खीजी लोमिंबै ताँ क्ह्रोंसेंन्बै ग, स्‍योर आङिं। छतसि पबित्र प्ल्हजी लोमिंबै ताँमैं ङिंनु, धै छ्ह तिगोंन् ख्रीष्‍टनेन् घ्रिन् तसि प्रद्।

१ यूहन्‍ना 3:22

झाइले ङ्योइ खीने तो सै ह्रिलेया योंम्, तलेबिस्याँ खीजी बिबै ताँमैं ङ्योइ ङिंम्, धै खीए सैं तोंन् लबै केमैं ङ्योइ लम्।

१ यूहन्‍ना 5:14

झाइले खीए सैंर मैंब् धोंले ङ्योइ खीने तो ह्रिलेया खीजी ङ्योए ताँ थेमिंम् बिब् सेसि ङ्यो खीए उँइँर तोइ आङ्हाँन्ले ह्‍याल् खाँम्।