यूहन्‍ना 15:20 - परमेश्‍वरए ताँ तमु क्युइर

²⁰ केब्छैं ह्रोंसए क्ल्हे भन्दा थेब् आत बिसि ङइ क्हेमैंने बिबै ताँ मैंन्। म्हिमैंइ ङ ह्रुगुदिइ बिस्याँ क्हेमैंलाज्यै या ह्रुगुदिब्मुँ। चमैंइ ङए ताँ ङिंइ बिस्याँ क्हेमैंए ताँ या ङिंब्मुँ।

यूहन्‍ना 15:20 ပူးပေါင်းရင်းမြစ်များ

मत्ती 10:24

“चेला ह्रोंसए गुरु भन्दा थेब आत धै क्ल्हे भन्दा केब्छैं थेब आत।

मर्कूस 10:39

चमैंइ खीने, “ङिइ खाँम्!” बिइ। येशूजी चमैंने बिइ, “ङइ नोब् धोंबै दुःख क्हेमैंज्यै या नोब्‍मुँ, धै ङइ किंब् धोंबै बप्‍तिस्मा क्‍हेमैंज्यै या किंब्‍मुँ।

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

लूका 6:40

चेला ह्रोंसए गुरु भन्दा थेब आत, दिलेया गुरुइ लोमिंबै ताँमैं ह्रल् खाँबै लिउँइँ मत्‍त्रे च गुरु धोंब तल् खाँम्।

यूहन्‍ना 10:31

चु ताँ थेसि यहूदी चिबनाँब्मैंइ येशूलाइ प्रिंब् बिसि धबै युँमा तोइ।

यूहन्‍ना 11:57

ख्रो पिंबै खेगि चिब्मैं नेरो फरिसीमैंइ येशू क्हाबै ल्हागिर खी खनिर मुँलेया खाबज्यै सेस्याँ था पिंन् बिसि बिल।

यूहन्‍ना 13:16

क्ह्रोंसेंन ङ क्हेमैंने बिमुँ, केब्छैं ह्रोंसए क्ल्हे भन्दा थेब आत, छलेन स्यार्बो चलाइ कुल्मिंबै म्हि भन्दा थेब आत।

यूहन्‍ना 5:16

छ बिब् थेसि यहूदी चिबनाँब्मैंइ येशूलाइ दुःख पिंबर होंइ, तलेबिस्याँ के लल् आतबै प्रिबै त्हिंइर खीजी सल् लल।

यूहन्‍ना 7:32

चर्बै म्हि हुलइ खीए बारेर ताँमैं लरिब फरिसीमैंइ थेइ। छतसि ख्रो पिंबै खेगि चिब्मैं नेरो फरिसीमैंइ मन्दिर रुँबै सिपाइमैं खीलाइ क्हाबर कुलइ।

यूहन्‍ना 8:51

क्ह्रोंसेंन ङ क्हेमैंने बिमुँ, ङइ बिबै ताँ ङिंब्मैं खोंयोंइ सिल् त्हुरिब् आरे।”

यूहन्‍ना 8:52

यहूदी चिबनाँब्मैंइ खीने बिइ, “क्हि मोंइ स्‍याइमुँ बिसि ङिइ तोगो छेनाले था सेइ! ङिए खे अब्राहाम सियाइ, धै अगमबक्‍तामैं या सियाइ, दिलेया क्‍हि बिस्याँ ‘ङइ बिब् ङिंब्मैं खोंयोंइ सिल् त्हुरिब् आरे बिमुँ।’

यूहन्‍ना 8:59

छबिमा चमैंइ खी ल्हिब बिसि युँमा तोमा येशू लोसि मन्दिरउँइँले बैरु त्‍होंयाइ।

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

१ कोरिन्थी 4:12

चब-थुँबै ल्हागिर ङिइ ह्रोंसइन बेल्‍ले दुःख लमुँ। म्हिमैंइ ङिए फिर सराप झोंलेया ङिइ चमैंए फिर आशिकन् पिंमुँ। म्हिमैंइ ङिने खैन् ललेया ङि सैदिम्।

२ कोरिन्थी 4:9

ङिए बिरोध लब्मैं ल्‍हेंन् मुँलेया परमेश्‍वरजी ङिलाइ खोंयोंइ आपिइमुँ। ङिलाइ ल्हिसि क्हुरलेया ङि आसिइमुँ।

१ थेसलोनिकी 2:15

च यहूदीमैंइ प्रभु येशू ख्रीष्‍ट नेरो स्योंम्बै अगमबक्‍तामैं सैवाइ, धै ङिलाज्यै या ल्‍हें दुःख पिंसि ल्‍हावाइ। छले चमैंइ ताँन् म्हिमैंए बिरोध लसि परमेश्‍वरए सैं नल् लइमुँ।

२ तिमोथी 3:12

ख्रीष्‍ट येशए फिर बिश्‍वास लसि छ्ह थोदा ङ्हाँब्मैं ताँनए फिर दुःख तब्मुँ।