यूहन्‍ना 15:19 - परमेश्‍वरए ताँ तमु क्युइर

¹⁹ क्‍हेमैं चु ह्‍युलर्बै आङिं, क्हेमैं चु ह्‍युलर्बै ङिंस्याँम् ह्‍युलर्बै म्हिमैंइ क्हेमैं ह्रोंसल धों ङ्हाँसि म्हाँया लमल। ङइ क्हेमैं चु ह्‍युलउँइँले त्हाँइ। छतसि ह्‍युलर्बै म्हिमैंइ क्हेमैंलाइ हेल लम्।

यूहन्‍ना 15:19 ပူးပေါင်းရင်းမြစ်များ

मत्ती 10:22

क्हेमैंइ ङए मिं किंबइले ताँन् म्‍हिमैंइ क्‍हेमैं हेल लब्‍मुँ। दिलेया सैदिसि लिउँइँ समा बिश्‍वासर भोंब् तेरिब्‍मैं परमेश्‍वरजी जोगेमिंब्मुँ।

मत्ती 24:9

“च त्हेर म्‍हिमैंइ क्‍हेमैं दुःख योंरिगे बिसि क्‍हासि दुष्‍टमैंए योर पिंवाब्मुँ, धै चमैंइ क्‍हेमैं सैवाब्‍मुँ। क्‍हेमैंइ ङए ताँ क्वेंइ बिसि ताँन् म्हिमैंइ क्‍हेमैंलाइ हेल लब्‍मुँ।

लूका 6:32

ह्रोंसने म्‍हाँया लब्‍मैंने मत्‍त्रे म्‍हाँया लइ बिस्‍याँ क्‍हेमैंलाइ तो फयादा तइ? तलेबिस्याँ पापिमैंज्यै या ह्रोंसने म्हाँया लब्मैंने मत्‍त्रे म्हाँया लम्।

यूहन्‍ना 13:18

“ङइ क्हेमैं ताँनए बारेर बिब् आङिं। ङइ त्हाँबै म्हि ङइ सेमुँ। दिलेया ‘ङए क्हें चबै म्हिइ ङए फिर प्हलेइ ह्‍याँइ’ दिलेया ठिमर प्ह्रिबै ताँ पूरा तरिगे बिसि छ तब् ग।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।

१ पत्रुस 4:3

ह्‍याबै त्हिंइजरे परमेश्‍वर आम्हाँदिब्मैंइ धोंले क्हेमैंइ ब्यभिचार लब, आछ्याँबै सैं मैंब, प्हा को तब, सैल् लब, छेरन् ब्योंबै कु पूजा लसि ल्हें त्हे खेरो वाइ।

१ यूहन्‍ना 3:12

ङ्यो स्‍योंम्‍बै कयिन बिबै म्‍हि धों तब तल् आत। च दुष्‍टल् मुँल, छतसि चइ ह्रोंसए अलि सैवाइ। चइ ह्रोंसए अलि तले सैवाइ बिस्‍याँ चइ लबै के आछ्याँब मुँल, दिलेया अलिइ लबै केमैं छ्याँब मुँल।

दर्शन 12:17

छतमा च अजिङ्गर च च्हमिरिने बेल्‍ले ह्रिस खइ। धै च च्हमिरिए अर्को सन्‍तानमैंने, अथवा परमेश्‍वरए ताँ ङिंब्‍मैं नेरो येशूए बारेर क्ह्रोंसेंन्‍बै ग्वाइ पिंब्मैंने ल्हडें लबर ह्‍याइ।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।