यूहन्‍ना 14:9 - परमेश्‍वरए ताँ तमु क्युइर

⁹ येशूजी चने बिइ, “ओ फिलिप! च्‍हौ ल्‍हें त्हिंइ समा ङ क्‍हेमैंने बालुन् टिइ, अझै क्हिइ ङलाइ ङो आसे वा? ङलाइ म्रोंब्मैंइ आबालाज्यै या म्रोंइँमुँ। छतसि ‘ङिने आबा उँइँमिंन्?’ बिसि क्हिइ खैले बिल् खाँमुँ?

यूहन्‍ना 14:9 ပူးပေါင်းရင်းမြစ်များ

उत्पत्ति 26:9

छतब् म्रोंमा अबीमेलेकइ इसहाक हुइसि बिइ, “चम् क्हिए प्ह्रेंस्योन् मुँनदि। तले क्हिइ ‘ङए अङाँ ग’ बिसि ङिने स्योर तेल?” इसाकइ चने बिइ, “च ङए प्ह्रेंस्यो ग बिस्याँ चुर्बै म्हिमैंइ ङलाइ सैवाम् उ बिसि ङइ मैंल।”

भजनमैं 11:1

ङ ग्वार योंबर याहवेहए प्हलेर्न खमुँ; छतसि “नमे धोंले ह्रोंसए कोंर प्हुर ह्‍याद्, बिसि क्हेमैंइ खैले ङने बिल् खाँमुँ,

मर्कूस 9:19

झाइले येशूजी चमैंने बिइ, “च्या, क्‍हेमैं कति बिश्‍वास आलबै म्‍हिमैं मुँन! ङ क्‍हेमैंने कति समा टिल् त्‍हुम्? ङइ क्‍हेमैं खोंयों समा सैदिल् त्‍हुम्? च कोलो ङ ङाँर पउ।”

लूका 12:56

ओ फिब्लो पार्दिब्‍मैं! पृथ्‍बी नेरो मुँ ङ्‌ह्‍योसि तारे तो तम् बिसि क्‍हेमैंइ सेम् बिस्याँ, तिंजरो तरिबै ताँमैं म्रोंसि क्‍हेमैंइ तारे तखबै ताँमैंए बारेर तले सेल् आखाँ?

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 10:30

आबा नेरो ङ घ्रिन् ग।”

यूहन्‍ना 12:45

ङलाइ म्रोंब्मैंइ ङ कुल्मिंबै आबालाज्यै या म्रोंब्मुँ।

यूहन्‍ना 14:20

ङ ङए आबाने मुँ, क्हेमैं ङने मुँ, धै ङै या क्हेमैंने मुँ बिब च त्हिंइर क्हेमैंइ सेब्मुँ।

यूहन्‍ना 14:7

क्हेमैंइ ङलाइ ङो सेस्याँ ङए आबालाज्यै ङो सेमल। तारे क्हेमैंइ खीलाइ ङो सेब्मुँ, तलेबिस्याँ क्हेमैंइ खीलाइ म्रोंल् खाँइमुँ।”

यूहन्‍ना 8:19

चमैंइ खीने “क्‍हिए आबा खनिर मुँ?” बिसि ङ्योएमा येशूजी चमैंने बिइ, “क्‍हेमैंइ ङै या ङो आसे, ङए आबालाज्यै या ङो आसे। क्‍हेमैंइ ङलाइ ङो सेस्‍याँ ङए आबालाज्यै ङो सेमल।”

१ कोरिन्थी 15:12

सिबै लिउँइँज्यै या ख्रीष्‍ट सोगों तइमुँ बिबै सैं तोंबै ताँ ङिइ बिइमुँ। दिलेया सियाब्‍मैं धबै सोगों तल् आखाँ बिसि क्‍हेमैं न्‍होंरि को-कोइइ खैले बिल् खाँइ?

फिलिप्पी 2:6

येशू ख्रीष्‍ट परमेश्‍वर तलेया खीजी परमेश्‍वरए क्ल्ह्‍योर टिबै सैं आल।

कलस्सी 1:15

म्‍हिमैंइ परमेश्‍वर म्रोंल् आखाँ, दिलेया परमेश्‍वर खैब मुँ, येशू ख्रीष्‍टै या छाबन् मुँ। परमेश्‍वरजी ह्‍युल बनेब् भन्दा ओंसोंन् ख्रीष्‍ट मुँल, खी ताँन् बनेबै सै भन्‍दा थेब ग।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।