यूहन्‍ना 14:5 - परमेश्‍वरए ताँ तमु क्युइर

⁵ थोमाइ येशूने बिइ, “ओ प्रभु, क्‍हि खनिर ह्‍यासिन् मुँ ङिइ आसे, छतसि ङिइ घ्याँ खैले ङो सेब?”

यूहन्‍ना 14:5 ပူးပေါင်းရင်းမြစ်များ

मत्ती 10:3

झाइले फिलिप नेरो बारथोलोमाइ, थोमा, रोमी म्रुँए ल्हागिर बालि रेबै मत्ती, अल्‍फयसए च्‍ह याकूब, थेदियस,

मर्कूस 9:19

झाइले येशूजी चमैंने बिइ, “च्या, क्‍हेमैं कति बिश्‍वास आलबै म्‍हिमैं मुँन! ङ क्‍हेमैंने कति समा टिल् त्‍हुम्? ङइ क्‍हेमैं खोंयों समा सैदिल् त्‍हुम्? च कोलो ङ ङाँर पउ।”

लूका 24:25

च लिउँइँ येशूजी चमैंने बिइ, “ओ, ताँ आक्होबै आम्हादुमैं! क्हेमैंए सैं खैले छले आक्होब् तयाल? अगमबक्‍तामैंइ बिबै ताँमैं तिफुँइ आक्वें वा!

यूहन्‍ना 11:16

झाइले दिदुमस बिबै थोमाइ अरू चेलामैंने बिइ, “ल्हु, ङ्यो या गुरुने ह्‍याले धै सिल् त्हुलेया सिले।”

यूहन्‍ना 14:4

ङ खनिर ह्‍यारिइमुँ, चर ह्‍याबै घ्याँ क्हेमैंज्यै या सेब्मुँ।”

यूहन्‍ना 15:12

“ङइ बिबै ताँ चुन् ग, ङइ क्‍हेमैंने म्‍हाँया लब् धोंलेन् क्‍हेमैंज्यै या घ्रिइ-घ्रिने म्‍हाँया लद्।

यूहन्‍ना 16:5

ङ तारे ङ कुल्मिंबै आबा ङाँर ह्‍याइनमुँ, दिलेया क्हेमैं खाबज्यै ‘क्हि खनिर ह्‍याइनमुँ?’ बिसि ङने आङ्योए।