यूहन्‍ना 14:20 - परमेश्‍वरए ताँ तमु क्युइर

²⁰ ङ ङए आबाने मुँ, क्हेमैं ङने मुँ, धै ङै या क्हेमैंने मुँ बिब च त्हिंइर क्हेमैंइ सेब्मुँ।

यूहन्‍ना 14:20 ပူးပေါင်းရင်းမြစ်များ

यूहन्‍ना 10:38

दिलेया ङइ आबाए केंमैं लसेया क्हेमैंइ ङए फिर बिश्‍वास आल बिस्याँ चु केमैं फिर बिश्‍वास लद्। झाइले बल्‍ल ‘आबा ङने मुँ, ङै या आबाने मुँ,’ बिब क्‍हेमैंइ था सेब्मुँ।”

यूहन्‍ना 14:10

ङ आबाने मुँ, आबा या ङने बालु मुँ बिबै ताँ क्हिइ आक्वें वा? ङइ क्हेमैंने बिबै ताँमैं ङ ह्रोंसए सैंर मैंसि पोंब् आङिं। दिलेया ङने टिबै आबाजी ङउँइँले ह्रोंसए केमैं लम।

यूहन्‍ना 14:11

ङ आबाने मुँ आबा या ङने मुँ बिबै ताँ क्वेंन्। आक्वेंस्याँ ङइ लबै केमैं म्रोंसि क्वेंन्।

यूहन्‍ना 16:23

“च त्‍हिंइर क्‍हेमैंइ ङने तोइ ङ्योएरिब् आरे। क्ह्रोंसेंन ङ क्हेमैंने बिमुँ, क्हेमैंइ ङए मिंर आबाने तोइ ह्रिलेया खीजी क्हेमैंलाइ पिंब्‍मुँ।

यूहन्‍ना 16:26

च त्हिंइर क्‍हेमैं ह्रोंसइन ङए मिंर परमेश्‍वरने ह्रिब्मुँ। ङइ क्‍हेमैंए ल्हागिर आबाने ह्रिमिंल् आत्हु।

यूहन्‍ना 17:11

तारे ङ क्हि ङाँर खसिन् मुँ। ङ चु ह्‍युलर ल्हें आटि, चुमैं बिस्याँ चु ह्‍युलर्न टिम्। ओ पबित्र आबा, ङ्यो घ्रि तब् धोंलेन् क्हिजी ङने पिंब्मैं या घ्रिन् तरिगे बिसि क्हिए मिंए शक्‍तिउँइँले चमैं जोगेसि थेंमिंन्।

यूहन्‍ना 17:26

क्हिजी ङने खैबै म्हाँया लइमुँ, छाबन् म्हाँया चमैंने या तरिगे, धै ङ चमैंने बालु तरिगे बिसि ङइ क्हिए मिं चुमैंलाइ सेल् पिंइमुँ, अझै सेल् पिंरिब्मुँ।”

यूहन्‍ना 17:7

क्हिजी ङलाइ पिंबै तोन्दोंरि सै क्हिउँइँले युब् ग बिसि चमैंइ तोगो था सेइमुँ।

यूहन्‍ना 6:56

ङए ज्यु चब्मैं नेरो ङए को थुँब्मैं ङने तरिम्, धै ङ चमैंने बालु तरिम्।

रोमी 16:7

झाइले ङने बालुन् झेलर च्युवाबै यहूदी थुमैं एन्‍ड्रोनिकस नेरो चए प्ह्रेंस्यो युनियाने जय मसीह मुँ बिमिंन्। चमैं येशू ख्रीष्‍टए कुल्मिंबै चेला चिब्मैं न्होंर्बै ताँनइ ङो सेब्मैं ग। झाइले ङइ बिश्‍वास लब् भन्दा ओंसों चमैंइ येशू ख्रीष्‍टए फिर बिश्‍वास लल।

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

२ कोरिन्थी 12:2

येशूए फिर बिश्‍वास लबै ङइ ङो सेबै म्हि घ्रिलाइ च्युसे प्लिदि भन्दा ओंसों परमेश्‍वरजी तल सोंर्बै स्वर्ग समा क्‍वेबोइ। चलाइ ज्युर्न बोइ उ प्ल्ह मत्‍त्रे बोइ च ङइ आसे, च ताँ परमेश्‍वरजी सेइमुँ।

२ कोरिन्थी 13:5

क्‍हेमैं बिश्‍वासर भोंब मुँ उ आरे बिसि ह्रोंसए जाँच लद्। जाँचर फेल् आतस्याँ येशू ख्रीष्‍ट क्‍हेमैंने बालु तम् बिसि क्हेमैंइ सेल् त्हुम्।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

२ कोरिन्थी 5:19

ङिइ बिबै सैं तोंबै ताँ चुन् ग: परमेश्‍वरजी ख्रीष्‍टउँइँले ताँन् म्‍हिमैंलाइ खीने बालु क्ह्रिल् लमिंइमुँ। म्‍हिमैंइ लबै पापए सजैं परमेश्‍वरजी आपिं। छतसि म्‍हिमैंलाइ खीने बालु क्ह्रिल् लमिंबै ल्हागिर खीए बारेर्बै ताँ म्हिमैंने बिमिंबै जिम्‍मा ङिलाइ पिंथेंइमुँ।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

कलस्सी 1:19

तलेबिस्याँ खीने मुँबै ताँन् गुनमैं ख्रीष्‍टने मुँबइले परमेश्‍वर सैं तोंइ।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

कलस्सी 2:9

छतसि छाबै स्‍योर ताँ आक्‍वेंन्, तलेबिस्याँ परमेश्‍वरने मुँबै ताँन् गुनमैं येशू ख्रीष्‍टने मुँ।

१ यूहन्‍ना 4:12

खाबज्‍यै या परमेश्‍वरलाइ खोंयोंइ आम्रोंइमुँ, दिलेया ङ्योइ घ्रिइ घ्रिने सैं न्होंउँइँलेन् म्हाँया लइ बिस्‍याँ परमेश्‍वर ङ्योने घ्रिन् तसि टिम्, धै खीए म्हाँया ङ्योए फिर तम् बिसि पक्‍का तम्।