यूहन्‍ना 14:17 - परमेश्‍वरए ताँ तमु क्युइर

¹⁷ खी क्ह्रोंसेंन्बै ताँ लोमिंबै पबित्र प्ल्ह ग। ह्‍युलर्बै म्हिमैंइ खीलाइ आक्वें, तलेबिस्याँ ह्‍युलर्बै म्हिमैंइ खी म्रोंइ आम्रोंइमुँ, सेइ आसेइमुँ। दिलेया क्हेमैंमि खीलाइ सेइमुँ। तलेबिस्या खी क्हेमैंने बालुन् टिमुँ, धै खी क्हेमैंनेन् तरिब्मुँ।

यूहन्‍ना 14:17 ပူးပေါင်းရင်းမြစ်များ

हितोपदेश 14:10

सैं नरिलैया तोंरिलैया ह्रोंसइन सेम्। छतसि म्हिए सैंर मुँबै ताँमैं खाबज्यै क्होल् आखाँ।

मत्ती 10:20

तलेबिस्याँ पोंब क्‍हेमैं आङिं, दिलेया क्हेमैंए आबाए प्ल्ह क्‍हेमैंए सुँउँइँले पोंब्‍मुँ।

यूहन्‍ना 14:16

झाइले ङ आबाने यो छ्युँ लब्मुँ, धै खीजी क्हेमैं ङाँर अर्को ल्होमिंबै थु कुलब्मुँ। धै खी क्हेमैंने खोंयोंन् बिलै तरिब्‍मुँ।

यूहन्‍ना 14:23

येशूजी चने बिइ, “खाबइ ङलाइ म्हाँया लमुँ, चइ ङए ताँ ङिंमुँ, धै ङए आबाजी चलाइ म्‍हाँया लब्‍मुँ, झाइले आबा नेरो ङ च ङाँर युसि चने बालु टिब्‍मुँ।

यूहन्‍ना 15:26

“ङइ आबाउँइँले ल्होमिंबै पबित्र प्ल्ह क्हेमैं ङाँर कुल्मिंब्मुँ, खी परमेश्‍वर आबाउँइँले युब्मुँ, खीजीन् ङए बारेर ग्वाइ पिंब्मुँ।

यूहन्‍ना 16:13

दिलेया क्ह्रोंसेंन्बै ताँ लोमिंबै पबित्र प्ल्ह युब्मुँ, धै खीजी क्हेमैं ताँन् क्ह्रोंसेंन्बै छ्याँबै घ्याँर डोरेमिंब्मुँ। खीजी ह्रोंसए सैंर मैंब् धोंले आपों। खीजी तो ताँ थेमुँ चन् पोंब्मुँ, धै लिउँइँ तखबै ताँमैं क्हेमैंने बिमिंब्मुँ।

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

१ कोरिन्थी 14:15

दिलेया ङइ तो लल् त्‍हुम्? आक्होबै क्युइर ङए प्ल्हइ प्राथना लम्, धै ङए सैंज्‍यैया प्राथना लम्। ङए प्ल्हइ भजन प्रिंम्, छलेन ङए सैंज्‍यैया भजन प्रिंम्।

१ कोरिन्थी 2:14

पबित्र प्ल्ह आरेबै म्हिमैंइ परमेश्‍वरजी बिबै ताँ क्होल् आखाँ। च ताँ चमैंए ल्हागिर केर आफेबै ताँ धों तम्, तलेबिस्याँ पबित्र प्ल्हजी पिंबै ज्ञान-बुद्धिउँइँले मत्‍त्रे च ताँमैं क्होल् खाँम्।

१ कोरिन्थी 3:16

क्‍हेमैंन् परमेश्‍वरए मन्दिर ग, परमेश्‍वरए पबित्र प्ल्ह क्‍हेमैंए न्‍होंरि टिम् बिब क्हेमैंइ आसे वा?

१ कोरिन्थी 6:19

परमेश्‍वरजी क्हेमैंलाइ पबित्र प्ल्ह पिंइ, छतसि क्हेमैंए ज्यु पबित्र प्ल्ह टिबै मन्‍दिर ग बिब क्‍हेमैंइ आसे वा? क्‍हेमैं ह्रोंसल्न आङिं, क्‍हेमैं परमेश्‍वरल् ग।

२ कोरिन्थी 13:5

क्‍हेमैं बिश्‍वासर भोंब मुँ उ आरे बिसि ह्रोंसए जाँच लद्। जाँचर फेल् आतस्याँ येशू ख्रीष्‍ट क्‍हेमैंने बालु तम् बिसि क्हेमैंइ सेल् त्हुम्।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

एफिसी 2:22

छले ख्रीष्‍टने घ्रिन् तबइले क्हेमैं अरू ह्रेंमैंलाज्यै या परमेश्‍वरए पबित्र प्ल्ह टिबै धिं बनेसिन् मुँ।

एफिसी 3:17

छलसि क्‍हेमैंइ प्रभु येशू ख्रीष्‍टए फिर बिश्‍वास लमा क्‍हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्‍यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

२ तिमोथी 1:14

ङ्योने मुँबै पबित्र प्ल्हउँइँले क्‍हिए जिम्‍मार पिंबै केमैं छेनाले लद्।

१ यूहन्‍ना 2:27

दिलेया ख्रीष्‍टजी ह्रोंसए पबित्र प्ल्हजी क्‍हेमैंलाइ प्लिंमिंइमुँ, छतसि क्‍हेमैंलाइ अरू लोमिंबै म्‍हि आचैदि। ताँन् सैए बारेर खीए प्ल्हजी क्‍हेमैंलाइ लोमिंम्, खीजी लोमिंबै ताँ क्ह्रोंसेंन्बै ग, स्‍योर आङिं। छतसि पबित्र प्ल्हजी लोमिंबै ताँमैं ङिंनु, धै छ्ह तिगोंन् ख्रीष्‍टनेन् घ्रिन् तसि प्रद्।

१ यूहन्‍ना 3:24

परमेश्‍वरजी बिब् ङिंब्मैं ताँन् परमेश्‍वरने घ्रिन् तसि टिमुँ, धै परमेश्‍वर चमैंने घ्रिन् तसि टिम्। परमेश्‍वर ङ्योने टिमुँ बिसि खैले सेइमुँ बिस्‍याँ खीजी ह्रोंसए प्ल्ह ङ्योलाइ पिंइमुँ।

१ यूहन्‍ना 4:4

दिलेया ओ ङइ खोबै कोलोमैं, क्‍हेमैं परमेश्‍वरए म्हिमैं ग। क्‍हेमैंने मुँबै पबित्र प्ल्ह ख्रीष्‍टए फिर बिश्‍वास आलबै म्हिमैंने मुँबै प्ल्ह भन्दा थेबै शक्‍ति मुँबै प्ल्ह ग। छतसि क्‍हेमैंइ स्‍योलिबै ताँ पोंब्‍मैंलाइ ट्होवाइमुँ।

१ यूहन्‍ना 4:6

दिलेया ङ्यो परमेश्‍वरए म्हिमैं ग। छतसि परमेश्‍वरलाइ ङो सेब्‍मैंइ ङ्योए ताँ थेम्, दिलेया परमेश्‍वरए म्हिमैं आङिंब्मैंइ ङ्योए ताँ आथे। चु ताँउँइँलेन् ङ्योइ क्ह्रोंसेंन्बै प्ल्ह नेरो स्योलिबै प्ल्ह था सेल् खाँम्।

१ यूहन्‍ना 5:7

ग्वाइ पिंब्मैं सों मुँ:

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”