यूहन्‍ना 14:13 - परमेश्‍वरए ताँ तमु क्युइर

¹³ क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 14:13 ပူးပေါင်းရင်းမြစ်များ

मत्ती 21:22

क्हेमैंइ परमेश्‍वरए फिर बिश्‍वास लसि प्राथनानर तो सै ह्रिलेया योंब्‍मुँ।”

मत्ती 7:7

“ह्रिब्रें लद् परमेश्‍वरजी क्‍हेमैंलाइ पिंब्मुँ। म्हैब्रें लद् क्‍हेमैंइ योंब्मुँ। म्रार ह्राब्रें लद् क्हेमैंए ल्हागिरि म्रा थोंमिंब्मुँ।

मर्कूस 11:24

छतसि ङ क्हेमैंने बिमुँ, क्‍हेमैंइ प्राथना लमा तो सै ह्रिलेया योंल् खाँइ बिसि बिश्‍वास लद्, छलस्याँ क्हेमैइ ह्रिबै सै योंब्‍मुँ।

लूका 11:9

“छतसि ङ क्‍हेमैंने बिमुँ, तो सै चैदिमुँ ह्रिब्रें लद्, झाइले परमेश्‍वरजी पिंब्‍मुँ। म्‍हैब्रें लद् क्‍हेमैंइ स्याब्‍मुँ। म्रार ह्राब्रें लद् क्‍हेमैंए ल्हागिरि खीजी म्रा थोंमिंब्‍मुँ।

यूहन्‍ना 10:30

आबा नेरो ङ घ्रिन् ग।”

यूहन्‍ना 12:44

येशूजी थेबै कैले बिइ, “ङए फिर बिश्‍वास लब्‍मैंइ ङए फिर मत्‍त्रे आङिं, ङ कुल्मिंबै आबाए फिरै या बिश्‍वास लमुँ।

यूहन्‍ना 13:31

यहूदा बैरु ह्‍याल् खाँबै लिउँइँ येशूजी बिइ, “तारे म्हिए च्हजी थेबै मान योंब्मुँ, धै ङउँइँले परमेश्‍वरजी थेबै मान योंब्मुँ।

यूहन्‍ना 14:14

क्‍हेमैंइ ङए मिंर तोइ सै ह्रिलेया ङइ पिंब्मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

यूहन्‍ना 16:23

“च त्‍हिंइर क्‍हेमैंइ ङने तोइ ङ्योएरिब् आरे। क्ह्रोंसेंन ङ क्हेमैंने बिमुँ, क्हेमैंइ ङए मिंर आबाने तोइ ह्रिलेया खीजी क्हेमैंलाइ पिंब्‍मुँ।

यूहन्‍ना 16:26

च त्हिंइर क्‍हेमैं ह्रोंसइन ङए मिंर परमेश्‍वरने ह्रिब्मुँ। ङइ क्‍हेमैंए ल्हागिर आबाने ह्रिमिंल् आत्हु।

यूहन्‍ना 16:7

छान् तलेया ङइ क्हेमैंने क्ह्रोंसेंन्बै ताँ बिमुँ, ङ छुइले ह्‍याबन् क्हेमैंए ल्हागिर छ्याँब् तम्। तलेबिस्याँ ङ आह्‍याइ बिस्याँ ल्होमिंबै पबित्र प्ल्ह क्हेमैं ङाँर युरिब् आरे। ङ ह्‍याइ बिस्याँ पबित्र प्ल्ह क्हेमैं ङाँर कुल्मिंब्मुँ।

यूहन्‍ना 4:10

येशूजी चने बिइ, “परमेश्‍वरए आशिक नेरो क्हिने क्यु ह्रिबै म्हि क्हिइ ङो सेस्याँ क्हिइ ङने क्यु ह्रिमल, धै खीजी खोंयों बिलै सोल् लमिंबै क्यु क्हिलाइ पिंमल।”

यूहन्‍ना 4:14

दिलेया ङइ पिंबै क्‍यु थुँब्मैं खोंयोंइ क्‍यु पिरिब् आरे। तलेबिस्याँ ङइ पिंबै क्‍यु चए न्‍होंर खोंयोंइ आखाँबै छ्ह योंबै ल्हागिरि प्योरिबै मुल तब्मुँ।”

यूहन्‍ना 5:19

येशूजी चमैंने बिइ, “क्ह्रोंसेंन ङ क्हेमैंने बिमुँ, च्हइ ह्रोंसइन तोइ लल् आखाँ, दिलेया आबाजी तो लब् म्रोंमुँ चन् मत्‍त्रे लम्। तलेबिस्याँ आबाजी तो लमुँ, च्हज्यै या छान् लमुँ।

यूहन्‍ना 7:37

धबै चाडए लिउँबै मुख्य त्हिंइर, येशू ताँन् म्हिमैंए ओंसों रासि थेबै कैले छ बिइ, “खाबै या क्‍यु पिइ बिस्याँ च ङ ङाँर खरिगे धै थुँरिगे।

१ कोरिन्थी 14:13

छतसि क्होल् आखाँबै क्युइ पोंबै म्‍हिइ च क्युइए अर्थ खोल्‍दिबै बरदान योंबै ल्हागिर प्राथना लरिगे।

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

एफिसी 3:12

छले ङ्यो ख्रीष्‍टने घ्रिन् तसि खीए फिर बिश्‍वास लबइले ङ्यो तिफुँइ आङ्हिंन्‍ले परमेश्‍वर ङाँर ह्‍याल् योंइमुँ।

एफिसी 3:14

छतसि ङ च्हि तुँसि परमेश्‍वर आबालाइ फ्योम्।

फिलिप्पी 4:13

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

हिब्रू 13:15

छतसि येशूए मिंउँइँले परमेश्‍वरए सैं तोंबै ख्रो खोंयोंन् बिलै ङ्योइ पिंरिले। “येशू ङए प्रभु ग,” बिब्मैंइ परमेश्‍वरए छ्याँबै बयन लदै पोंस्याँ, चुन् ङ्योइ परमेश्‍वरए मिंर पिंबै ख्रो धों तब् ग। छले ङ्योइ येशू ख्रीष्‍टन् प्रभु ग बिबन् परमेश्‍वरए सैं तोंन् लबै ख्रो ग।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

याकूब 1:5

क्‍हेमैंए न्‍होंर खाबलाज्यै बुद्धि चैदिस्याँ ह्रिस आखल्‍ले सैं तों-तोंदै पिंबै परमेश्‍वरने ह्रिरिगे। छले ह्रिस्याँ खीजी पिंब्‍मुँ।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।

१ पत्रुस 2:5

छतसि क्हेमैं या येशू ख्रीष्‍टउँइँले परमेश्‍वरजी खोबै सैंर्बै ख्रो पिंबै ल्हागिर पबित्र खेगिमैं तसि खोंयोंइ तरिबै पारा धोंले पबित्र प्ल्ह टिबै धिं बनेदै ह्‍याद्।

१ यूहन्‍ना 3:22

झाइले ङ्योइ खीने तो सै ह्रिलेया योंम्, तलेबिस्याँ खीजी बिबै ताँमैं ङ्योइ ङिंम्, धै खीए सैं तोंन् लबै केमैं ङ्योइ लम्।

१ यूहन्‍ना 5:14

झाइले खीए सैंर मैंब् धोंले ङ्योइ खीने तो ह्रिलेया खीजी ङ्योए ताँ थेमिंम् बिब् सेसि ङ्यो खीए उँइँर तोइ आङ्हाँन्ले ह्‍याल् खाँम्।