यूहन्‍ना 14:11 - परमेश्‍वरए ताँ तमु क्युइर

¹¹ ङ आबाने मुँ आबा या ङने मुँ बिबै ताँ क्वेंन्। आक्वेंस्याँ ङइ लबै केमैं म्रोंसि क्वेंन्।

यूहन्‍ना 14:11 ပူးပေါင်းရင်းမြစ်များ

यूहन्‍ना 10:25

येशूजी चमैंने बिइ, “ङइ क्हेमैंने ओंसोंन् बिल् खाँइमुँ, दिलेया क्‍हेमैंइ आक्वें। ङए आबाए मिंर ङइ लबै केमैंइन ङए ग्वाइ पिंम्।

यूहन्‍ना 10:32

येशूजी चमैंने बिइ, “ङइ क्हेमैंने ङए आबाउँइँले ल्‍हें छ्याँबै केमैं उँइँमिंइ। च केमैं न्‍होंरि खाब् केए ल्हागिरि क्हेमैंइ ङ युँमाइ प्रिंल् म्‍हैल?”

यूहन्‍ना 10:38

दिलेया ङइ आबाए केंमैं लसेया क्हेमैंइ ङए फिर बिश्‍वास आल बिस्याँ चु केमैं फिर बिश्‍वास लद्। झाइले बल्‍ल ‘आबा ङने मुँ, ङै या आबाने मुँ,’ बिब क्‍हेमैंइ था सेब्मुँ।”

यूहन्‍ना 14:10

ङ आबाने मुँ, आबा या ङने बालु मुँ बिबै ताँ क्हिइ आक्वें वा? ङइ क्हेमैंने बिबै ताँमैं ङ ह्रोंसए सैंर मैंसि पोंब् आङिं। दिलेया ङने टिबै आबाजी ङउँइँले ह्रोंसए केमैं लम।

यूहन्‍ना 14:20

ङ ङए आबाने मुँ, क्हेमैं ङने मुँ, धै ङै या क्हेमैंने मुँ बिब च त्हिंइर क्हेमैंइ सेब्मुँ।

यूहन्‍ना 5:36

“दिलेया यूहन्‍नाइ पिंबै ग्वाइ भन्दा ङए बारेर थेबै ग्वाइ मुँ। तलेबिस्याँ आबाजी ङने तो केमैं पूरा लबर पिंइँमुँ, च केमैं ङइ लरिइमुँ, धै आबाजी ङ कुल्मिंब् ग बिसि च केमैंइ ङए बारेर ग्वाइ पिंरिइमुँ।

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।

हिब्रू 2:4

छलेन परमेश्‍वरज्‍यै या थे-थेबै चिनुमैंउँइँले प्लेटोयान् तबै औदिबै केमैं लइ, धै खीए सैंर मैंब् धोंले खीजी म्‍हिमैंलाइ पबित्र प्ल्हउँइँले बरदानमैं पिंसि चु ताँए ग्वाइ पिंइ।