यूहन्‍ना 13:27 - परमेश्‍वरए ताँ तमु क्युइर

²⁷ चइ च क्हें लुँठे चबै तोदोंन् चए सैंर दुष्‍ट होंइ। झाइले येशूजी चने “क्‍हिइ तो लल् म्हैल, च युनन् लद्,” बिइ।

यूहन्‍ना 13:27 ပူးပေါင်းရင်းမြစ်များ

भजनमैं 109:6

छतसि ङए शत्‍तुरए बिरोध लबै ल्हागिर दुष्‍ट म्हि घ्रि त्हाँन्; धै चए फिर छ्याब् ल्हैदिबै म्हि चए क्योलोउँइँ राल् पिंन्।

हितोपदेश 1:16

तलेबिस्याँ चमैं आतुरले पाप के लबर ह्‍याम्, धै चमैं म्हि सैबर खोंयोंन् बिलै युनन् छेम्।

मत्ती 12:45

छतमा च ह्‍यासि ह्रोंस् भन्दा दुष्‍ट मोंमैं ङि हुइसि पखम्। धै चमैं ताँन् न्‍होंर होंसि चर्न टिमुँ च्‍हौ तल् खाँबै लिउँइँ च म्‍हिए हालत ओंसोंबै भन्दा झन् आछ्याँब तम्। तिंजोरोबै दुष्‍ट के लबै म्‍हिमैंए हालत या छाबन् तब्‍मुँ।”

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मर्कूस 6:25

आमाइ छ बिबै तोदोंन् च हेरोद म्रुँ ङाँर ह्‍यासि बिइ, “बप्‍तिस्‍मा पिंबै यूहन्‍नाए क्र थलिर झोंसि तोगोंन् ङलाइ पिंन्। ङइ ह्रिदा ङ्हाँब चुन् ग।”

लूका 22:3

च त्‍हेर्न यहूदा इस्‍करियोतए सैंर दुष्‍ट होंइ। च यहूदा येशूए च्युसे ङ्हिं चेलामैं न्‍होंर्बै घ्रि मुँल।

यूहन्‍ना 13:2

दिलेया ङेसार्बै चब् चबै त्हे भन्दा ओंसोंन् दुष्‍टइ येशूलाइ क्हाल् पिंबै सैं इस्करयोतथें सिमोनए च्ह यहूदाए सैंर झोंल् खाँल।

यूहन्‍ना 13:28

दिलेया येशूजी तले चने छ बिगे बिसि चब् चबर टिब्मैं खाबज्यै आक्हो।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”

चेला चिब्मैंए केमैं 5:3

दिलेया पत्रुसइ चने बिइ, “ओ हननिया, क्ल्ह्‍यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्‍टइ क्हिए सैंर खैले झोंमिंइ?