यूहन्‍ना 13:20 - परमेश्‍वरए ताँ तमु क्युइर

²⁰ क्ह्रोंसेंन ङ क्हेमैंने बिमुँ, ङइ कुल्मिंबै म्हिलाइ मान लब्मैंइ ङलाज्यै या मान लमुँ, छलेन ङलाइ मान लब्मैंइ ङ कुल्मिंबै आबालाज्यै या मान लमुँ।”

यूहन्‍ना 13:20 ပူးပေါင်းရင်းမြစ်များ

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मर्कूस 9:37

“ङए मिंर छाबै कोलो घ्रिलाइ म्हाँया लब्मैंइ, ङलाज्यै म्हाँया लमुँ। ङलाइ म्हाँया लब्मैंइ ङलाइ मत्‍त्रे आङिं, ङ कुल्‍मिंबै परमेश्‍वर आबालाज्यै या म्हाँया लम्।”

लूका 10:16

येशूजी धबै चेलामैंने बिइ, “खाब‍इ क्‍हेमैंइ बिबै ताँ थेमुँ, चइ ङए ताँ थेम्। दिलेया खाबइ क्‍हेमैंइ बिब आङिंसि बिरोध लम्, चइ ङए बिरोध लम्। छलेन खाबइ ङइ बिब आङिंसि बिरोध लमुँ, चइ ङ कुल्‍मिंबै परमेश्‍वर आबालाज्यै या बिरोध लम्।”

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

गलाती 4:14

ङ छले नसि क्‍हेमैंलाइ ल्हें दुःख पिंलेया तो तलै तरिगे बिसि क्‍हेमैंइ ङलाइ हेल आल, दिलेया परमेश्‍वरए स्वर्गदूत नेरो ख्रीष्‍ट येशूलाइन धोंले क्‍हेमैंइ ङलाइ म्हाँया लइ।

कलस्सी 2:6

छतसि क्हेमैंइ ख्रीष्‍ट येशूलाइ प्रभु बिसि म्हाँदिब् धोंले खीनेन् घ्रि तसि छ्ह थोद्।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।