यूहन्‍ना 13:19 - परमेश्‍वरए ताँ तमु क्युइर

¹⁹ चु ताँ तब् भन्दा ओंसोंन् तोगो ङ क्हेमैंने बिमुँ। खैंमा चु तखमुँ ‘ङम् ङन् ग’ बिसि क्हेमैंइ क्वेंब्मुँ।

यूहन्‍ना 13:19 ပူးပေါင်းရင်းမြစ်များ

मत्ती 11:3

चमैं ह्‍यासि “ङिए गुरु यूहन्‍नाइ बिब् धोंले युबै म्‍हि क्हिन् उ, ङिइ अर्को म्‍हि अझै प्रेंल् त्‍हुमुँ?” बिसि येशूने ङ्योएइ।

मत्ती 24:25

छतसि छेनाले मैंन्! ङइ चु ताँ क्‍हेमैंने ओंसोंन् बिमिंइमुँ।

लूका 21:13

दिलेया चमैंने सैं तोंबै ताँ बिबै मौका च त्हेर क्हेमैंइ योंब्‍मुँ।

यूहन्‍ना 1:15

यूहन्‍नाइ येशूए बारेर ग्वाइ पिंदै थेबै कैले बिइ, “ङए लिलि युबै म्हि ङ भन्दा थेब मुँ, तलेबिस्याँ ङ फिब् भन्दा ओंसों ओंनोंन् खी मुँल। चए बारेर ङइ ओंसोंन् बिल।”

यूहन्‍ना 14:29

च ताँ तखबै त्हेर क्हेमैंइ ङए ताँ क्वेंरिगे बिसि ङइ चु ताँ तब् भन्दा ओंसोंन् क्हेमैंने बिमिंइँमुँ।

यूहन्‍ना 16:4

दिलेया चमैंइ चु के लमा ङइ बिबै ताँ क्हेमैंइ मैंरिगे बिसि ङइ चु ताँमैं क्हेमैंने बिइमुँ। “ङइ ओंसोंन् क्हेमैने चु ताँ आबि, तलेबिस्याँ ङ क्हेमैंनेन् मुँल।

यूहन्‍ना 4:26

येशूजी चने बिइ, “तोगो क्‍हिने पोंरिबै म्हि, च ख्रीष्‍ट ङन् ग।”

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

यूहन्‍ना 8:58

येशूजी चमेंने बिइ, “क्ह्रोंसेंन ङ क्हेमैंने बिमुँ, अब्राहाम मुँब् भन्दा ओंसों ओंनोंन् ङम् ङन् ग।”