यूहन्‍ना 13:12 - परमेश्‍वरए ताँ तमु क्युइर

¹² चमैंए प्हले ख्रुल् खाँबै लिउँइँ क्वें खिसि खी धबै चबर टिबै लिउँइँ चमैंने बिइ, “ङइ क्हेमैंए ल्हागिरि तो लइ बिसि क्हेमैंइ क्होइमुँ वा?

यूहन्‍ना 13:12 ပူးပေါင်းရင်းမြစ်များ

मत्ती 13:51

येशूजी चमैंने “क्‍हेमैंइ चु ताँ क्‍होइ वा?” बिसि ङ्योएमा “चमैंइ क्होइमुँ,” बिसि ज्वाफ पिंइ।

मर्कूस 4:13

झाइले येशूजी चमैंने बिइ, “क्‍हेमैंइ चु ताँए अर्थ आक्‍हो वा? छ बिस्‍याँ अरू अहानमैं खैले क्‍होल् खाँम्?

लूका 22:27

चब् चबर टिबै म्हि नेरो चब् पामिंबै म्हि न्होंरि खाब् थेब् जा? च ब् चबर टिबै म्हि थेब् आङिं वा? दिलेया क्‍हेमैं न्‍होंरि ङम् सेवा लबै म्‍हि धों तइमुँ।

यूहन्‍ना 13:4

छतमा खी चबै क्ल्ह्‍योउँइँले रेइ, धै फिर्बै क्वें प्लिसि पछ्यौर घ्रि खीए क्रेर फैइ।

यूहन्‍ना 13:7

येशूजी चने बिइ, “ङइ तो लरिइमुँ क्‍हिइ तोगो आक्हो। लिउँइँ बिस्याँ क्हिइ क्‍होब्‍मुँ।”