यूहन्‍ना 13:11 - परमेश्‍वरए ताँ तमु क्युइर

¹¹ तलेबिस्याँ खीलाइ क्हाल् पिंबै म्हि खीजी ङो सेल् खाँल। छतसि खीजी, “क्हेमैं ताँनन् चोखो आरे,” बिल।

यूहन्‍ना 13:11 ပူးပေါင်းရင်းမြစ်များ

यूहन्‍ना 13:18

“ङइ क्हेमैं ताँनए बारेर बिब् आङिं। ङइ त्हाँबै म्हि ङइ सेमुँ। दिलेया ‘ङए क्हें चबै म्हिइ ङए फिर प्हलेइ ह्‍याँइ’ दिलेया ठिमर प्ह्रिबै ताँ पूरा तरिगे बिसि छ तब् ग।

यूहन्‍ना 13:2

दिलेया ङेसार्बै चब् चबै त्हे भन्दा ओंसोंन् दुष्‍टइ येशूलाइ क्हाल् पिंबै सैं इस्करयोतथें सिमोनए च्ह यहूदाए सैंर झोंल् खाँल।

यूहन्‍ना 13:21

चु ताँ बिबै लिउइ येशूए सैं खैता-खैता तइ धै ग्वाइ पिंसि बिइ, “क्ह्रोंसेंन ङ क्हेमैंने बिमुँ, क्हेमैं न्होंर्बै म्हि घ्रिइ ङलाइ क्हाल् पिंब्मुँ।”

यूहन्‍ना 13:26

येशूजी बिइ, “खाबलाइ ङइ क्हें लुँठे प्हेलार तुँइसि पिंमुँ, च चन् ग।” छ बिसि खीजी क्हें लुँठे प्हेलार तुँइसि सिमोनए च्‍ह यहूदा इस्‍करियोतथें पिंइ।

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

यूहन्‍ना 18:4

ह्रोंसए फिर तखबै ताँन् ताँमैं था सेसि येशू ओंसों खसि चमैंने “क्हेमैंइ खाबलाइ म्‍हैरिल?” बिसि ङ्योएमा।

यूहन्‍ना 2:25

तलेबिस्याँ म्हिमैंए सैं खैब तम् बिब खीजी सेइमुँ। छतसि म्हिए बारेर खाबज्यै खीलाइ लोमिंल् आत्हु।