यूहन्‍ना 12:49 - परमेश्‍वरए ताँ तमु क्युइर

⁴⁹ तलेबिस्याँ ङइ च ताँमैं ह्रोंसए सैंउँइँले पोंब आङिं। ङइ बिल् त्हुबै ताँ नेरो पोंल् त्हुबै ताँ ङ कुल्मिंबै आबाजीन् ङलाइ ‘पोंन्’ बिसि ल्हैदिइमुँ।

यूहन्‍ना 12:49 ပူးပေါင်းရင်းမြစ်များ

यूहन्‍ना 14:10

ङ आबाने मुँ, आबा या ङने बालु मुँ बिबै ताँ क्हिइ आक्वें वा? ङइ क्हेमैंने बिबै ताँमैं ङ ह्रोंसए सैंर मैंसि पोंब् आङिं। दिलेया ङने टिबै आबाजी ङउँइँले ह्रोंसए केमैं लम।

यूहन्‍ना 14:24

ङलाइ म्हाँया आलब्‍मैंइ ङए ताँ आङिं। क्हेमैंइ थेरिबै ताँ ङल् आङिं, ङ कुल्‍मिंबै आबाल् ग।

यूहन्‍ना 14:31

दिलेया ङइ आबाने म्हाँया लम् बिब ह्‍युलर्बै म्हिमैंइ सेरिगे बिसि आबाजी ङने लद् बिबै केमैं ङ लरिमुँ। “रेद्, ङ्यो छुइले ह्‍याले।”

यूहन्‍ना 15:15

तारेसेरो ङइ क्हेमैंने केब्छैं आबि, तलेबिस्याँ क्ल्हेइ तो लम् बिसि केब्छैंइ था आसे। दिलेया ङइ क्हेमैंने थु बिइमुँ, तलेबिस्याँ ङए आबाउँइँले थेबै तोन्दोंरि ताँ ङइ क्हेमैंने बिमिंइँमुँ।

यूहन्‍ना 17:8

तलेबिस्याँ क्हिजी ङने पिंबै ताँ ङइ चमैंने पिंइँमुँ। धै चमैंइ च ताँ क्वेंसि ङ क्हि ङाँइले युब् ग बिसि क्ह्रोंसेंन्ले सेइमुँ। झाइले क्हिजीन् ङ कुल्मिंब् ग बिसि चमैंइ क्वेंइँमुँ।

यूहन्‍ना 3:11

क्ह्रोंसेंन ङ क्हिने बिमुँ, ङिइ था सेबै ताँए बारेर बिम्, धै ङिइ म्रोंबै ताँए ग्वाइ पिंम्, दिलेया क्हेमैंइ ङिए ताँ आक्वें।

यूहन्‍ना 3:32

खीजी तो म्रोंइँमुँ, तो थेइमुँ, चन् बिम्, दिलेया खीजी बिबै ताँ खाबज्यै आक्‍वें।

यूहन्‍ना 5:19

येशूजी चमैंने बिइ, “क्ह्रोंसेंन ङ क्हेमैंने बिमुँ, च्हइ ह्रोंसइन तोइ लल् आखाँ, दिलेया आबाजी तो लब् म्रोंमुँ चन् मत्‍त्रे लम्। तलेबिस्याँ आबाजी तो लमुँ, च्हज्यै या छान् लमुँ।

यूहन्‍ना 5:30

“ङ ह्रोंसइन तोइ लल् आखाँ। परमेश्‍वर आबाजी खै बिमुँ छलेन ङइ निसाफ लब्मुँ। छतमा ङइ लबै निसाफ ठिक ठर्दिम्, तलेबिस्याँ ङ ह्रोंसइ मैंब् धोंले आल, दिलेया ङ कुल्‍मिंबै परमेश्‍वर आबाजी मैंब् धोंले लमुँ।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

यूहन्‍ना 7:16

छबिमा येशूजी चमैंने बिइ, “ङइ लोमिंबै ताँमैं ङल् आङिं, दिलेया ङ कुल्‍मिंबै परमेश्‍वर आबाला ग।

यूहन्‍ना 8:26

ङइ क्‍हेमैंए बारेर बिल् त्हुबै ताँमैं नेरो निसाफ लल् त्हुबै ताँमैं ल्हें मुँ। दिलेया ङ कुल्‍मिंबै परमेश्‍वर क्‍ह्रोंसेंन्‍ब मुँ, छतसि खीउँइँले ङइ तो थेमुँ चन् ङइ ह्‍युलर्बै म्हिमैंने बिमिंमुँ।”

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

यूहन्‍ना 8:42

येशूजी चमैंने बिइ, “क्‍हेमैंए आबा क्‍ह्रोंसेंन परमेश्‍वरन् ङिंस्‍याँम् क्‍हेमैंइ ङने म्हाँया लमल, तलेबिस्याँ ङ परमेश्‍वरउँइँले युब् ग। ङ ह्रोंसन् युदा ङ्हाँसि युब आङिं, दिलेया परमेश्‍वरजी ङ कुल्मिंब् ग।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।