यूहन्‍ना 12:42 - परमेश्‍वरए ताँ तमु क्युइर

⁴² छान् तलेया यहूदी चिबनाँब्मैंए न्होंरि ल्हें म्हिइ येशूए फिर बिश्‍वास लइ। दिलेया चमैं फरिसीमैंने ङ्हिंसि “म्हि च्हों धिंउँइँले तेवाम् उ?” ङ्हाँसि खेंमैंइ येशूए फिर बिश्‍वास लबै बारेर खाबने या आबिमल।

यूहन्‍ना 12:42 ပူးပေါင်းရင်းမြစ်များ

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

मत्ती 10:32

“छतसि खाबइ म्‍हिमैंए उँइँर ‘ङ येशूए म्‍हि ग’ बिमुँ, ङज्यै या ङए स्वर्गर मुँबै परमेश्‍वर आबाए उँइँर ‘चु म्‍हि ङलन् ग’ बिब्‍मुँ।

लूका 12:8

“छतसि ङइ क्‍हेमैंने बिमुँ, खाबइ म्‍हिमैंए उँइँर ‘येशू ङए प्रभु ग’ बिमुँ, च म्हिलाज्यै या परमेश्‍वरउँइँले कुल्‍मिंबै म्हिए च्हजी परमेश्‍वरए स्‍वर्गदूतमैं उँइँर ‘चुम् ङए म्‍हि ग’ बिब्‍मुँ।

लूका 23:13

च लिउँइँ पिलातसइ ख्रो पिंबै खेगि चिब्मैं नेरो इस्राएल ह्‍युलर्बै चिबनाँब्मैं खागु लसि

लूका 6:22

“म्हिए च्हए फिर क्‍हेमैंइ बिश्‍वास लबइले म्‍हिमैंइ हेल लसि खेंमैंउँइँले स्यो लावाब्मुँ, धै क्हेमैं फिर आछ्याँबै ताँमैं पोंसि क्हेमैंए बिल्‍लि लब्मुँ, धै दुष्‍ट म्हिमैं धों ङ्हाँसि म्हि आच्हिन् लब्मुँ। छ ललेया क्हेमैंइ आशिक योंब्मुँ।

यूहन्‍ना 11:45

मरियम ङाँर खबै ल्‍हें यहूदीमैंइ येशूजी लबै चु के म्रोंसि खीए फिर बिश्‍वास लइ।

यूहन्‍ना 12:11

तलेबिस्याँ येशूजी लाजरस सोगों लमिंमा ल्हें यहूदीमैंइ यहूदी चिब्मैं पिवासि येशूए फिर बिश्‍वास लबर होंल।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 19:38

अरिमाथियाथें योसेफ बिबै म्हि घ्रि येशूए चेला मुँल। च यहूदी चिबनाँब्मैंने ङ्हिंमल छतसि आसेल्‍ले न्हों-न्हों मत्‍त्रे येशूए चेला मुँल। चइ पिलातसने येशूए सिनु बोयाल् पिंन् बिसि यो छ्युँ लमा पिलातसइ येशूए सिनु बोल् पिंइ। धै चइ येशूए सिनु बोइ।

यूहन्‍ना 3:2

च म्‍हुँइँसर येशू ङाँर खसि खीने बिइ, “ओ गुरु, क्‍हि परमेश्‍वरउँइँले युबै लोमिंबै म्हि ग बिसि ङिइ सेइमुँ, तलेबिस्याँ परमेश्‍वरजी आल्होमिंस्याँ क्‍हिइ लब् धों तबै चु औदिबै चिनुमैं खाबज्यै लल् आखाँ।”

यूहन्‍ना 7:13

दिलेया यहूदी चिबनाँब्मैंने ङ्हिंसि खीए बारेर खाबज्‍यै छेनाले तोइ पोंल् आखाँल।

यूहन्‍ना 7:31

दिलेया चर मुँबै ल्‍हें म्हिमैंइ खीए फिर बिश्‍वास लसि बिइ, “परमेश्‍वरजी कुल्मिंबै म्रुँ ख्रीष्‍ट युमा येशूजी लबै औदिबै चिनुमैं भन्दा थेबै केमैं लम् रो वा?”

यूहन्‍ना 9:22

“येशून् परमेश्‍वरजी कुल्मिंबै म्रुँ ख्रीष्‍ट ग बिबै म्हिलाइ च्हों धिंउँइँले तेवाल त्हुम्,” बिसि यहूदीमैंइ ओंसों ओंनोंन् मत लल। छतसि चए आबा-आमा यहूदी चिबनाँब्मैं म्रोंसि ङ्हिंसि

यूहन्‍ना 9:34

छबिमा “क्‍हिम् पापर्न फिल! छाबै म्हिज्यै ङि लोमिंल् म्हैम्मा?” बिसि चमैंइ चलाइ च्हों धिंउँइँले बैरु तेवाइ।

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

रोमी 10:10

तलेबिस्याँ ङ्योए सैंइ बिश्‍वास लसिन् ङ्यो परमेश्‍वरए उँइँर ठिक ठर्दिम्, झाइले ङ्योए बिश्‍वास लबै ताँ अरूलाज्यै या बिमिंस्याँ ङ्योइ मुक्‍ति योंमुँ।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 4:2

च म्हिमैंइ परमेश्‍वरए पबित्र प्ल्हउँइँले पोंम् उ आपों बिसि क्‍हेमैंइ खैले ङो सेम् बिस्‍याँ, “येशू ख्रीष्‍ट म्‍हि तसि युइ,” बिब्मैंने परमेश्‍वरउँइँले युबै प्ल्ह तम्।