यूहन्‍ना 12:38 - परमेश्‍वरए ताँ तमु क्युइर

³⁸ यशैया अगमबक्‍ताइ बिबै ताँ पूरा तरिगे बिसि चु तलन् त्हुमल। “ओ याहवेह, ङिइ बिबै ताँ खाबइ क्‍वेंइ? धै याहवेहजी लबै शक्‍तिए केमैं खाब्ने उँइँमिंइ?” बिसि यशैयाइ बिल।

यूहन्‍ना 12:38 ပူးပေါင်းရင်းမြစ်များ

भजनमैं 44:3

तलेबिस्याँ चमैंइ सेलाँइ नेसि ह्‍युल ट्होब आङिं, धै चमैंइ ह्रोंसए यो पाख्राए भोंइ नेसि ट्होबै या आङिं, दिलेया क्हिए क्योलो योर्बै भों नेरो क्हिए चारबै मोंडए ह्‍वेइन चमैंइ ट्होब् ग, तलेबिस्याँ क्हिजी चमैंए फिर म्हाँया लमल।

मत्ती 15:7

ओ फिप्लो पार्दिब्मैं, यशैया अगमबक्‍ताइ ओंसोंन् क्‍हेमैंए बारेर ठिकन बिना,

मत्ती 16:17

येशूजी चने बिइ, “ओ, योनाए च्‍ह सिमोन, क्‍ह्रोसेंन क्‍हिइ आशिक योंइमुँ! तलेबिस्याँ छाबै ताँ क्‍हिइ म्‍हिउँइँले था सेब आङिं, दिलेया स्‍वर्गर मुँबै ङए आबाजी क्हिलाइ सेल् पिंब् ग।

मत्ती 27:35

चमैंइ येशूलाइ क्रूसर च्योवाबै लिउँइँ खीए क्‍वें चिट्ठा झोंसि खेंमैंए न्होंर चुइ।

यूहन्‍ना 12:37

येशूजी यहूदीमैंए उँइँर ल्हें औदिबै चिनुमैं लल। दिलेया चमैंइ खीए फिर बिश्‍वास आल।

यूहन्‍ना 12:39

छतसि चमैंइ बिश्‍वास लल् आखाँ। तलेबिस्याँ यशैयाइ धबै छ बिइमुँ,

यूहन्‍ना 15:25

दिलेया छ्वेर प्ह्रिथेंबै चु ताँ पूरा तबर छ तब् ग, ‘चमैंइ तोनतोर्न ङलाइ हेल लइ बिसि चर प्ह्रिथेंइमुँ।’

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

यूहन्‍ना 19:24

छतसि चमैंइ खेंमैंए न्होंर बिइ, “चु क्वें आट्होले, बरु चु खाबल् तम् बिसि चिट्ठा झोंले।” परमेश्‍वरए छ्वेर प्ह्रिबै ताँ पूरा तरिगे बिसि छ तब् ग। “चमैंइ ङए क्‍वें खें-खेंमैंए न्‍होंर चुइ, फिर्बै क्‍वेंए ल्हागिर बिस्याँ चिट्ठा झोंइ।” बिसि प्ह्रिथेंल। छतसि सिपाइमैंइ छाबै के लइ।

रोमी 10:16

दिलेया सैं तोंबै ताँ थेनाबिलेया ल्हें म्हिइ वास्‍था आल। छतसि “ओ प्रभु, ङिइ बिबै ताँ खाबै क्‍वेंइमुँ?” बिसि यशैया अगमबक्‍ताइ ओंसोंन् बिइमुँ।

रोमी 10:20

छलेन यशैयाइ अझै भों खल्‍ले अरू ह्रेंमैंए बारेर छले बिइमुँ, “ङलाइ आम्‍हैब्‍मैंइ ङलाइ योंइ, ङलाइ आम्हैब्मैंए म्हाँजोर ङ ह्रोंसन् म्रोंयुइमुँ।”

१ कोरिन्थी 1:24

दिलेया यहूदी मुँलेया, अरू ह्रेंमैं मुँलेया खीजी त्हाँबै म्हिमैंए ल्हागिर बिस्याँ ख्रीष्‍ट येशून् परमेश्‍वरए शक्‍ति नेरो बुद्धि ग।

गलाती 1:16

झाइले ङइ अरू ह्रेंमैं ङाँर सैं तोंबै ताँ बिप्ररिगे बिसि परमेश्‍वरजी ङलाइ खीए च्‍हए दर्शन पिंइ। खीजी छाबै दर्शन पिंबइले ङइ “सैं तोंबै ताँ खैब जा?” बिसि खाब्ने या सल्‍ला किंल् आत्हु।