यूहन्‍ना 12:34 - परमेश्‍वरए ताँ तमु क्युइर

³⁴ चर्बै म्हिमैंइ खीने “परमेश्‍वरजी कुल्मिंबै म्रुँ ख्रीष्‍ट खोंयोंन् बिलै तरिम् बिबै ताँ छ्वेउँइँले ङिइ थेइमुँ। दिलेया म्हिए च्ह कैंडो क्वेलन् त्हुम् बिसि क्हिजी खैले बिल् खाँमुँ? चु म्हिए च्ह बिब् खाब् जा?” बिसि ङ्योएइ।

यूहन्‍ना 12:34 ပူးပေါင်းရင်းမြစ်များ

भजनमैं 110:4

“मल्किसेदेकए पदरि क्हि खोंयोंन् बिलै खेगि तब्मुँ,” बिसि याहवेहजी कसम चइमुँ। खीए सैं फेर्दिरिब् आरे।

भजनमैं 72:7

चए ग्याल्सर ठिक के लब्मैंल बिब् धों तरिगे, धै लयाँ मुँन् समा तोन्दोंरि सै छ्याँब तरिगे!

मत्ती 16:13

येशू कैसरिया फिलिप्पी बिबै सहरर फेखबै लिउँइँ खीजी खीए चेलामैंने “म्‍हिमैंइ म्हिए च्हने खाब् बिमुँ?” बिसि ङ्योएइ।

मत्ती 21:10

छले येशू यरूशलेमर फेनेमा सहर तिगोंन् खैला-बैला तइ। धै “चु म्हि खाब् जा?” बिसि म्हिमैंइ ङ्योएबर होंइ।

मत्ती 8:20

छबिमा येशूजी चने बिइ, “स्‍येलमैंला टिबै रो मुँ, नमेमैंला च्‍हों मुँ, दिलेया ‘म्हिए च्हलम्’ क्र क्ह्‍युबै क्‍ल्‍ह्‍यो या आरे।”

यूहन्‍ना 10:34

येशूजी चमैंने बिइ, “‘ङइ बिमुँ, क्हेमैं देउतमैं ग,’ बिसि क्हेमैंए ठिमर आप्ह्रिइमुँ वा?

यूहन्‍ना 12:32

झाइले ङलाइ कैंडो क्वेवामा ङइ ताँन् म्हिमैं ङ ङाँइन चैंब्मुँ।”

यूहन्‍ना 15:25

दिलेया छ्वेर प्ह्रिथेंबै चु ताँ पूरा तबर छ तब् ग, ‘चमैंइ तोनतोर्न ङलाइ हेल लइ बिसि चर प्ह्रिथेंइमुँ।’

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

रोमी 3:19

ठिमर्बै ताँ ठिम म्हाँदिब्मैंए ल्हागिर्न बिब ङिइ सेइमुँ। छतमा ताँन् ह्‍युलर्बै म्‍हिमैं परमेश्‍वरए उँइँर निसाफर रामा खाबज्‍यै या तोइ पोंबै घ्‍याँ आरे।

रोमी 5:18

खैले म्हि घ्रिए पापइ लमा ताँन् म्हिमैंइ पापए सजैं योंल् त्‍हुइ, छलेन म्हि घ्रिए छ्याँबै केइ लमा ताँन् म्‍हिमैं परमेश्‍वरए उँइँर ठिक ठर्दिसि खोंयोंइ आखाँबै छ्ह योंब् तइ।

हिब्रू 7:24

दिलेया येशू बिस्याँ खोंयोंइ बिलै सोगों तबइले खी खोंयोंन् बिलै खेगि क्रथे तरिब्मुँ।