यूहन्‍ना 12:32 - परमेश्‍वरए ताँ तमु क्युइर

³² झाइले ङलाइ कैंडो क्वेवामा ङइ ताँन् म्हिमैं ङ ङाँइन चैंब्मुँ।”

यूहन्‍ना 12:32 ပူးပေါင်းရင်းမြစ်များ

यूहन्‍ना 1:7

यूहन्‍नाउँइँले ताँन् म्हिमैंइ परमेश्‍वरए ताँ क्वेंरिगे बिसि च चारबै ह्‍वेए बारेर ग्वाइ पिंबर युइ।

यूहन्‍ना 12:34

चर्बै म्हिमैंइ खीने “परमेश्‍वरजी कुल्मिंबै म्रुँ ख्रीष्‍ट खोंयोंन् बिलै तरिम् बिबै ताँ छ्वेउँइँले ङिइ थेइमुँ। दिलेया म्हिए च्ह कैंडो क्वेलन् त्हुम् बिसि क्हिजी खैले बिल् खाँमुँ? चु म्हिए च्ह बिब् खाब् जा?” बिसि ङ्योएइ।

यूहन्‍ना 18:32

(खी खैले सिल् त्‍हुम् बिसि ओंसोंन् येशूजी बिबै ताँ पूरा तबर छ तला।)

यूहन्‍ना 19:17

येशूजी ह्रोंसए क्रूस ह्रोंसइन नोसि क्र खोप्‍लें बिबै क्ल्ह्‍योर ह्‍याइ। (हिब्रू क्युइर च क्ल्ह्‍योए मिं गलगथा बिमुँ।)

यूहन्‍ना 3:14

“मोशाइ म्हि आटिबै क्ल्ह्‍योर पितलए प्हुरि खैले त्होर च्योसि क्वेल,

यूहन्‍ना 6:44

ङ कुल्‍मिंबै आबाजी ङ ङाँर खबै सैं आपिंइ बिस्‍याँ खाबै या ङ ङाँर खल् आखाँ। दिलेया ङ ङाँर खब्‍मैंलाइन ङइ आखिरि त्हिंइर सोगों लमिंब्मुँ।

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

१ तिमोथी 2:6

खीजी ह्रोंसलाइन पिंसि क्रूसर पापए छे फोमिंसि म्‍हिमैं पापउँइँले फ्रेमिंइ, छले परमेश्‍वरजी ताँन् म्हिमैंइ खोंयोंइ आनुबै छ्ह योंरिगे बिबै प्रमाण ठिक त्हेर उँइँमिंइ।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ यूहन्‍ना 2:2

ङ्योइ लबै पाप क्षमा लमिंबै ल्हागिर खीजी घ्‍याँ थोमिंइमुँ, ङ्योए पाप मत्‍त्रे आङिं, दिलेया ह्‍युलर्बै ताँन् म्‍हिमैंए पाप क्षमा लमिंम्।

दर्शन 5:9

झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्‍ह्‍योबै लायकर्बै क्‍हि मुँ। तलेबिस्याँ म्‍हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्‍मैंउँइँले, ताँन् ह्‍युलर्बै म्हिमैंउँइँले नेरो ताँन् ह्रेंमैंउँइँले, क्‍हिए कोजी परमेश्‍वरए ल्हागिर क्हिजी म्हिमैंलाइ खामिंइ।