यूहन्‍ना 12:31 - परमेश्‍वरए ताँ तमु क्युइर

³¹ तलेबिस्याँ तारे परमेश्‍वरजी चु ह्‍युलर्बै म्हिमैंए निसाफ लब्मुँ, धै चु ह्‍युलर्बै म्रुँलाइ बैरु भ्योंवाब्मुँ।

यूहन्‍ना 12:31 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

मत्ती 12:28

ङइ परमेश्‍वरए पबित्र प्ल्हए शक्‍तिउँइँले मों ल्‍हाब् ग बिस्याँ परमेश्‍वरए ग्याल्स क्‍हेमैंए ङाँर युल् खाँइमुँ।

यूहन्‍ना 14:30

तारे चु ह्‍युलर्बै म्रुँ खसिन् ‍मुँ। छतसि ङ क्‍हेमैंने ल्‍हें पोंरिब् आरे। चइ ङए फिर तोइ लल् आखाँ।

यूहन्‍ना 3:19

ताँ चुन् ग: चारबै ह्‍वे ह्‍युलर युइमुँ, दिलेया म्हिमैंए के दुष्‍ट मुँबइले चमैंइ चारबै ह्‍वे भन्दा मिछु खैबन् खोइ।

यूहन्‍ना 9:39

झाइले येशूजी बिइ, “आम्रोंब्मैंइ म्रोंरिगे धै म्रोंब्मैंइ म्रोंल् आखाँरिगे बिसि ङ निसाफ लबर ह्‍युलर युइ।”

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

१ कोरिन्थी 1:20

छतसि बुद्धि मुँब्मैं खनिर मुँ? छ्वेर्बै ताँ लोमिंब्मैं खनिर मुँ? चु जुगर्बै ह्रब्-सेब्मैं खनिर मुँ? परमेश्‍वरजी ह्‍युलर्बै बुद्धि मुँब् प्हैंब्मैंलाइ आमादु आलइमुँ वा?

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

कलस्सी 2:15

येशू ख्रीष्‍ट क्रूसर सिमिंसि खीजी च ताँन् दुष्‍टए शक्‍ति मुँबै सैमैं केर आफेब् लवासि ट्होवाइमुँ। धै “चमैं ताँन् ङए न्होंर मुँ” बिसि खीजी ताँन् म्‍हिमैंए उँइँरि चमैं फाफेल् लवाइ।

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

१ यूहन्‍ना 4:4

दिलेया ओ ङइ खोबै कोलोमैं, क्‍हेमैं परमेश्‍वरए म्हिमैं ग। क्‍हेमैंने मुँबै पबित्र प्ल्ह ख्रीष्‍टए फिर बिश्‍वास आलबै म्हिमैंने मुँबै प्ल्ह भन्दा थेबै शक्‍ति मुँबै प्ल्ह ग। छतसि क्‍हेमैंइ स्‍योलिबै ताँ पोंब्‍मैंलाइ ट्होवाइमुँ।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।