यूहन्‍ना 12:3 - परमेश्‍वरए ताँ तमु क्युइर

³ च त्‍हेर्न मरियमइ सै ल्हें फेबै लिंबै थाँ खबै जटामसिए अत्तर तिम्‍नादे पखसि येशूए प्हलेर फोमिंइ। धै ह्रोंसए क्रप्होइ फ्‍योमिंइ। छलमा धिं तिगोंन् अत्तरए लिंबै थाँ नाँइ।

यूहन्‍ना 12:3 ပူးပေါင်းရင်းမြစ်များ

भजनमैं 132:2

चइ याहवेहए मिंर कसम चइमुँ; धै तोन्दोंरि सै लल् खाँबै याकूबइ म्हाँदिबै परमेश्‍वरए मिंर भकल लइ:

हितोपदेश 27:16

छाबै च्हमिरिलाइ अधीनर थेंब् बिब खैंलाइ क्हाब् धोंन् तब् ग, धै योइ छ्युगु क्हाब् धोंन् ग।

लूका 10:42

दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

लूका 7:46

क्‍हिइ ङए क्रर छ्युगु आफोमिं, दिलेया चुइ ङए प्‍हलेरै या सै ल्हें फेबै अत्तर फोमिंइमुँ।

यूहन्‍ना 11:2

प्रभुए प्हलेर बेल्‍ले लिंबै थाँ खबै अत्तर फोमिंसि ह्रोंसए क्र प्होइ फ्योमिंब चुन् मरियम मुँल। चए अलि लाजरस नरिल।

यूहन्‍ना 11:28

च्‍हौ बिसि मार्था धिंर एह्‍यासि मरियमलाइ हुइसि खाबज्यै आथल्‍ले “गुरु फेखइमुँ, खीजी क्हि हुइरिमुँ,” बिइ।

यूहन्‍ना 11:32

झाइले मरियम येशू मुँबै क्ल्ह्‍योर फेनेसि खीलाइ म्रोंमा खीए प्हलेर फ्योसि “ओ प्रभु, क्हि चुर मुँस्याँ ङए अलि आसिमल,” बिइ।

यूहन्‍ना 19:39

म्हुँइँसर ओंसोंन् येशू ङाँर खबै निकोदेमस या योसेफने बालु ह्‍याइ। चइ सोंच्युसे सों किलोदे गन्धरस नेरो एलवा कोंबै द्रब्य किंसि चर बोइ।