यूहन्‍ना 12:27 - परमेश्‍वरए ताँ तमु क्युइर

²⁷ “तोगो ङए सैं खैता-खैता ङ्हाँइमुँ। छतसि ङइ तो बिले? ‘ओ आबा, चु खबि छेबै दुःखउँइँले ङ जोगेमिंन्,’ बिब् उ? आङिं, तलेबिस्याँ चु दुःख नोबै ल्हागिर्न ङ चु ह्‍युलर युब् ग।

यूहन्‍ना 12:27 ပူးပေါင်းရင်းမြစ်များ

भजनमैं 6:3

ङए सो खैता-खैता तइमुँ! ओ याहवह, खोंयों समा पैंरिब् जा, खोंयों समा?

भजनमैं 88:3

तलेबिस्याँ ङए सैंर ल्हें दुःख तइमुँ, छतसि युनन् ङ क्रोंर फेनेबि छेइमुँ।

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

मत्ती 11:26

ओ आबा, क्हिजी छान् लब छ्याँब ङ्हाँइ।”

मत्ती 26:42

धबै ङ्हिखेबै लारै या येशू ह्‍यासि छले प्राथना लइ, “ओ ङए आबा, चु दुःख ङइ आनोसि आत बिस्याँ क्‍हिए सैंर मैंब् धोंन् तरिगे।”

मत्ती 26:45

झाइले खी चेलामैं ङाँर खसि चेलामैंने बिइ, “क्‍हेमैं अझै रोसि भोंन् न्हरिल् वा? ङ्‌ह्‍योद्, म्हिए च्ह क्‍हासि ‍पापिमैंए योर पिंवाबै त्हे तयाल् खाँइमुँ।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

लूका 22:53

ङ त्हिंइ ह्रोंसे क्‍हेमैंने ‍बालुन् मन्दिरर मुँमा क्‍हेमैंइ ङ आक्हा। दिलेया तारे क्हेमैंए त्हे तइमुँ। छतसि क्हेमैं तो के लबर खल, च के लद्, तलेबिस्याँ मिछु खैबर्बै शक्‍तिए के लबै त्हे चुन् ग।”

यूहन्‍ना 11:41

चमैंइ युँमा स्‍योवाबै लिउँइँ येशूजी मुउँइँ ङ्‌ह्‍योसि बिइ, “ओ आबा, ङ क्हिलाइ धन्यबाद पिंमुँ, तलेबिस्याँ क्‍हिजी ङए ताँ थेमिंइँमुँ।

यूहन्‍ना 12:23

येशूजी चमैंने बिइ, “तारे म्हिए च्हजी थेबै मान योंबै त्‍हे तखइमुँ।

यूहन्‍ना 13:21

चु ताँ बिबै लिउइ येशूए सैं खैता-खैता तइ धै ग्वाइ पिंसि बिइ, “क्ह्रोंसेंन ङ क्हेमैंने बिमुँ, क्हेमैं न्होंर्बै म्हि घ्रिइ ङलाइ क्हाल् पिंब्मुँ।”

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।