यूहन्‍ना 12:2 - परमेश्‍वरए ताँ तमु क्युइर

² खीए थुमैंइ चर खीए मान लबर ङेसर्बै चब् चबर हुइल। मार्थाइ चबै सैमैं पिंसेन् मुँल। लाजरसै या खीने बालु चब् चबर टिब्मैं न्होंर्बै घ्रि मुँल।

यूहन्‍ना 12:2 ပူးပေါင်းရင်းမြစ်များ

मत्ती 26:6

येशू बेथानिया बिबै नाँसर सिमोन बिबै कोर खबै म्हिए धिंर मुँमा,

मर्कूस 14:3

च त्हेर येशू बेथानिया बिबै नाँसर सिमोन बिबै कोर खबै म्‍हि घ्रिए धिंर कैं चबर क्हुँमा च्हमिरि घ्रिइ सिङ्गमरमरए सिसा घ्रिर जटामसि बिबै सै ल्हें फेबै अत्तर पखइ। धै चइ सिसा तिसि येशूए क्रर अत्तर युमिंइ।

लूका 12:37

धिं क्‍ल्‍हे एखमा केब्छैंमैं तयार तसि न्ह क्रों मि क्रोंले टिरिब स्यास्‍याँ क्ल्हे सैं तोंसि केब्छैंमैंइ स्‍याबासि योंब्‍मुँ। क्ह्रोंसेंन ङ क्‍हेमैंने बिमुँ, धिं क्‍ल्‍हेइ ह्रोंसए केब्छैंमैं प्‍ह्रेंमैं धोंले टिबै सै तिमिंसि चबै सैं चल् पिंम्।

लूका 14:12

छलेन खीलाइ न्हिम्तोर हुइबै म्‍हिलाज्यै या येशूजी बिइ, “क्‍हिइ भत्‍यार लमा ह्रोंसए थुमैं, ह्रजे-म्‍हजे, आघें-अलि ह्रोंसए म्‍हिमैं नेरो प्‍ल्होबै ङ्‌हेब-ट्हुब्मैं न्हिम्तो आलद्, तलेबिस्याँ चमैंज्यै क्‍हिलाइ न्हिम्तोर हुइब्‍मुँ, धै खि फोब् धोंन् तब्‍मुँ।

लूका 22:27

चब् चबर टिबै म्हि नेरो चब् पामिंबै म्हि न्होंरि खाब् थेब् जा? च ब् चबर टिबै म्हि थेब् आङिं वा? दिलेया क्‍हेमैं न्‍होंरि ङम् सेवा लबै म्‍हि धों तइमुँ।

लूका 5:29

झाइले च लेबीइ येशूए ल्हागिर ह्रोंसए धिंर थेबै भोज लइ। चर रोमी म्रुँए ल्हागिर बालि रेब्मैं नेरो अरू ल्‍हें म्‍हिमैं या चमैंने क्हुँसि चरिल।

दर्शन 3:20

थेद्, ङ म्रार रासि हुइमुँ। खाबज्‍यै या ङए कै थेसि म्रा थोंस्‍याँ ङ न्‍होंर खब्मुँ, धै चने बालु चब्‍मुँ, चै या ङने बालुन् चब्‍मुँ।