यूहन्‍ना 11:52 - परमेश्‍वरए ताँ तमु क्युइर

⁵² यहूदी ह्रेंए ल्हागिर मत्‍त्रे आङिं, दिलेया खन्तोंदोंन् प्हुँयाबै परमेश्‍वरए सन्तानमैं खागु लसि घ्रि लबै ल्हागिर येशू सिब्मुँ।

यूहन्‍ना 11:52 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 22:15

भों नुयासि ङ तियाबै पु धोंन् तयाइमुँ, ङए ले ताइ ह्रेंयाइमुँ, सियारिगे बिसि क्हिजी ङ त्हुलर भ्योंथेंइमुँ।

भजनमैं 22:27

ह्‍युलर मुँबै ताँन् ह्रेंमैंइ क्हिलाइन मैंब्मुँ धै क्हि ङाँइँन तोखब्मुँ। ह्रें-ह्रेंर्बै म्हिमैं ताँनइ क्हिलाइन फ्योब्मुँ।

भजनमैं 72:19

खीए थेबै मिं खोंयोंन बिलै क्वेरिगे; पृथ्बी तिगोंन् म्हिमैंइ खीए थेबै के म्रोंरिगे! आमेन नेरो आमेन!

लूका 15:8

येशूजी धबै अर्को ताँ बिइ, “च्हमिरि घ्रिने चाँदिए मुइ च्‍युउँलो मुँल। दिलेया चाँदिए मुइ घ्रि म्‍हयास्‍याँ चइ बत्ति म्रोंसि कुजाइ फ्‍योसि च आयोंन् समा फन् फन्‌ले आम्‍है रो वा?

लूका 2:32

चु कोलोन् अरू ह्रेंर्बै म्‍हिमैंलाइ क्‍हिए घ्‍याँ उँइँमिंबै चारबै ह्‍वे ग, छलेन क्हिए इस्राएली ह्रेंर्बै म्‍हिमैंए मिं थेब् लमिंबै चारबै ह्‍वे खीन् ग।”

यूहन्‍ना 1:12

दिलेया खा-खाबइ खीए ताँ थेसि खीए फिर बिश्‍वास लइ, खीजी चमैंलाइ परमेश्‍वरए सन्तान तबै हग पिंइ।

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 10:16

ङला अरू क्युमैं या मुँ, चमैं चु प्ह्रोंर्बै आङिं। दिलेया ङइ चमैं या पखल् त्हुब्मुँ। चमैंइ ङए कै थेब्मुँ, धै ताँन् क्युमैं बगाल घ्रिन् तब्मुँ, छतसि प्ह्रोंछैं या घ्रिन् तब्मुँ।

यूहन्‍ना 12:32

झाइले ङलाइ कैंडो क्वेवामा ङइ ताँन् म्हिमैं ङ ङाँइन चैंब्मुँ।”

चेला चिब्मैंए केमैं 18:10

“आङ्हिंन्! आपोंन्ले आटिद्, सैं तोंबै ताँ बिमिंदै ह्‍याद्। ङ क्हिने बालु मुँ। छतसि खाबज्यै या क्हि तोइ लल् आखाँ, तलेबिस्याँ चु सहरर ङला ल्हें म्हि मुँ।”

रोमी 3:29

परमेश्‍वर यहूदीमैंए परमेश्‍वर मत्‍त्रे आङिं। अरू ह्रेंमैंलैया परमेश्‍वर ग।

रोमी 4:17

परमेश्‍वरए छ्वेर छले प्ह्रिइमुँ, “ङइ क्‍हिलाइ ह्रें-ह्रेंमैंए खे तल् पिंइमुँ।” अब्राहामइ परमेश्‍वरए फिर बिश्‍वास लबइले परमेश्‍वरए उँइँर अब्राहाम ङ्यो ताँनए खे ग। परमेश्‍बरजी सियाबै म्हिलाइ सोगों लमिंम्, धै म्‍हिमैंइ लल् आखाँबै सै या खीजी पोंसि तल् लमिंम्।

एफिसी 1:5

परमेश्‍वरजी ङ्योए फिर म्हाँया लसि येशू ख्रीष्‍टउँइँले खीए सन्तान तबर ङ्योलाइ ओंसों ओनोंन् त्‍हाँल। ओंसों ओंनोंन् खीजी ङ्योलाइ त्हाँबै सैं लल।

एफिसी 3:11

च चाँजो ह्‍युल बनेब् भन्दा ओंसों ओंनोंन् परमेश्‍वरजी मैंसि ङ्योए प्रभु येशू ख्रीष्‍टउँइँले पूरा लइ।

याकूब 1:1

परमेश्‍वर नेरो प्रभु येशू ख्रीष्‍टए के लबै म्‍हि याकूबउँइँले चु ह्‍युल तिगोंन् प्हुँइ टिबै च्युसे ङ्हिं कुललाइ जय मसीह मुँ।

१ पत्रुस 1:1

येशू ख्रीष्‍टजी कुल्मिंबै चेला चिब ङ पत्रुसउँइँले पोन्टस, गलातिया, कापाडोकिया, एशिया नेरो बिथिनिया तिगोंन् प्हुँइ टिब्मैंलाइ जय मसीह मुँ!

१ यूहन्‍ना 2:2

ङ्योइ लबै पाप क्षमा लमिंबै ल्हागिर खीजी घ्‍याँ थोमिंइमुँ, ङ्योए पाप मत्‍त्रे आङिं, दिलेया ह्‍युलर्बै ताँन् म्‍हिमैंए पाप क्षमा लमिंम्।

१ यूहन्‍ना 3:1

मैंन्दि, परमेश्‍वर आबाजी ङ्योलाइ कति थेबै म्हाँया लइमुँ। च्‍हौ थेबै म्हाँया लसि खीजी ङ्योलाइ “ह्रोंसए प्‍हसेमैं” बिइमुँ। क्ह्रोंसेंन ङ्यो परमेश्‍वरए प्‍हसेमैं तइमुँ। चु ह्‍युलर्बै म्‍हिमैंइ परमेश्‍वरलाइ ङो आसेइमुँ, छतसि ङ्योलाइ “परमेश्‍वरए प्‍हसेमैं ग,” बिसि आसे।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।

दर्शन 5:9

झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्‍ह्‍योबै लायकर्बै क्‍हि मुँ। तलेबिस्याँ म्‍हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्‍मैंउँइँले, ताँन् ह्‍युलर्बै म्हिमैंउँइँले नेरो ताँन् ह्रेंमैंउँइँले, क्‍हिए कोजी परमेश्‍वरए ल्हागिर क्हिजी म्हिमैंलाइ खामिंइ।