यूहन्‍ना 11:40 - परमेश्‍वरए ताँ तमु क्युइर

⁴⁰ येशूजी चने बिइ, “क्हिइ बिश्‍वास लस्याँ परमेश्‍वरए औदिबै के म्रोंब्‍मुँ बिसि ङइ क्हिने बिब् आङिं वा?”

यूहन्‍ना 11:40 ပူးပေါင်းရင်းမြစ်များ

भजनमैं 63:2

पबित्र क्‍ल्‍ह्‍योर ङइ क्हिलाइ म्रोंइमुँ, क्हि शक्‍ति मुँब नेरो बेल्‍ले म्हारब ङइ म्रोंइ।

भजनमैं 90:16

क्हिए के लब्मैंने क्हिजी लबै केमैं उँइँमिंन्, धै क्हिजी लबै औदिबै केमैं ङिए सन्‍तानमैंलाइ म्रोंल् पिंन्।

प्रस्थान 16:7

प्हँना न्हाँगर क्हेमैंइ याहवेहए चारबै ह्‍वे म्रोंब्मुँ, क्हेमैंइ याहवेहए बिरोधर गनगन लब खीजी थेइमुँ। ङि खाब् जा क्हेमैं ङिए बिरोधर गनगन लब? ङिम् खीजी बिब् धोंले प्रब्मैं मत्‍त्रे ग्।”

मत्ती 17:20

खीजी चमैंने “क्‍हेमैंइ परमेश्‍वरए फिर छेनाले बिश्‍वास आलइरि ग। ङ क्ह्रोंसेंन क्हेमैंने बिमुँ, क्‍हेमैंने पासगिए फुँ द प्रि बिश्‍वास मुँस्‍याँ चु कों ‘क्‍याइ स्‍योह्‍याद्’ बिलेया च स्‍योह्‍याम्। धै क्‍हेमैंइ लल् आखाँबै सै तोइ तरिब् आरे।”

मर्कूस 9:23

येशूजी चने बिइ, “‘क्‍हिजी लमिंल् खाँस्याँ’ बिसि तले बिल? ङए फिर बिश्‍‍वास लब्मैंए ल्हागिर तोन्दोंरि सै तल् खाँम्।”

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 11:4

च सँउँसर थेसि येशूजी बिइ, “चु नबइ च आसि। परमेश्‍वरए मिं थेब तरिगे धै परमेश्‍वरए च्हजी मान योंरिगे बिसि च नब् ग।”

यूहन्‍ना 12:41

यशैयाइ येशूए थेबै मान म्रोंसि खीए बारेर चु ताँ बिल।

यूहन्‍ना 9:3

येशूजी बिइ, “चुज्यै पाप आल, चुए आबा-आमाज्यै पाप आल। चु कनउँइँले परमेश्‍वरए थेबै केमैं म्हिमैंइ म्रोंरिगे बिसि चु म्हि कन तब् ग।

रोमी 6:4

छतसि ङ्योइ बप्‍तिस्‍मा किंमा येशूने बालुन् सिसि पाइ, धै थेबै शक्‍ति मुँबै परमेश्‍वर आबाजी येशू ख्रीष्‍टलाइ सिबउँइँले धबै सोगों लमिंइ, छतसि ङ्योइ ओंसों लब् धोंबै आछ्याँबै केमैं पिसि छ्याँबै केमैं लल् त्हुम्।

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।