यूहन्‍ना 11:37 - परमेश्‍वरए ताँ तमु क्युइर

³⁷ दिलेया को-कोइ, “कनए मि म्रोंल् लमिंब चुन् आङिं वा? छतसि चुइ लाजरसलाइ कालउँइँले तले जोगेल् आखाँल?” बिइ।

यूहन्‍ना 11:37 ပူးပေါင်းရင်းမြစ်များ

मर्कूस 15:32

च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।

लूका 23:35

म्हिमैं रासि ङ्‌ह्‍योरिल। यहूदी चिबनाँब्मैंइ येशूए बिल्‍लि लसि बिइ, “चुइ अरूमैं जोगेमिंइ। चु परमेश्‍वरजी कुल्‍मिंबै म्रुँ ख्रीष्‍ट ग बिस्‍याँ चुइ ह्रोंसलाज्यै या जोगेरिगे।”

लूका 23:39

च क्रूसर च्‍योवाबै आछ्याँबै के लबै म्हि घ्रिइ येशूए बिल्‍लि लदै बिइ, “क्‍हि परमेश्‍वजी कुल्मिंबै म्रुँ ख्रीष्‍ट आङिं वा? ङिंबन् ग बिस्‍याँ क्हिलाज्यै जोगेदु, ङिलाज्यै या जोगेमिंन्।”

यूहन्‍ना 11:21

मार्थाइ येशूने बिइ, “प्रभु, क्‍हि चुर्न मुँस्‍याँ ङए अलि आसिमल।

यूहन्‍ना 11:32

झाइले मरियम येशू मुँबै क्ल्ह्‍योर फेनेसि खीलाइ म्रोंमा खीए प्हलेर फ्योसि “ओ प्रभु, क्हि चुर मुँस्याँ ङए अलि आसिमल,” बिइ।