यूहन्‍ना 11:25 - परमेश्‍वरए ताँ तमु क्युइर

²⁵ येशूजी चने बिइ, “सियाब्‍मैं सोगों लमिंब नेरो खोंयोंइ आखाँबै छ्ह पिंब ङन् ग। ङए फिर बिश्‍वास लब्‍मैं सिलेया सोगों तब्‍मुँ।

यूहन्‍ना 11:25 ပူးပေါင်းရင်းမြစ်များ

भजनमैं 36:9

तलेबिस्याँ क्हिउँइँलेन् म्हिमैंइ खोंयोंइ आखाँबै छ्ह योंमुँ, क्हि चारबै ह्‍वे ग, छतसि क्हिए छ्याँबै घ्याँर ङि प्रल् योंइमुँ।

लूका 23:43

येशूजी चने बिइ, “क्‍ह्रोसेंन ङ क्हिने बिमुँ, क्‍हि तिंयाँन् ङने स्‍वर्गर तब्‍मुँ।”

यूहन्‍ना 1:4

खीने बालु खोंयोंइ आखाँबै छ्ह मुँल, च छ्ह म्हिमैंए चारबै ह्‍वे मुँल।

यूहन्‍ना 14:19

तारे तिस्‍याँदे लिउँइँ ह्‍युलर्बै म्हिमैंइ ङ म्रोंरिब् आरे। दिलेया क्हेमैंइ बिस्याँ ङ म्रोंब्मुँ। ङ सोगों तबइले क्हेमैं या सोगों तरिब्मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 3:16

तलेबिस्याँ खीए च्हए फिर बिश्‍वास लब्मैं खाबै या नास आतरिगे, बरु खोंयोंइ आनुबै छ्ह योंरिगे बिसि परमेश्‍वरजी ह्‍युलर्बै म्हिमैंने ल्‍हें म्हाँया लसि खीए घ्रि दे मुँबै च्‍ह पिंइ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

यूहन्‍ना 5:26

तलेबिस्याँ आबा ह्रोंसनेन् खोंयोंइ आखाँबै छ्ह मुँ, छलेन खीजी च्हलाज्यै या छ्हए मुल तबै हग पिंइमुँ।

यूहन्‍ना 6:35

येशूजी चमैंने बिइ, “खोंयोंइ आखाँबै छ्ह पिंबै क्हें ङन् ग। ङ ङाँर खब्‍मैं खोंयोंइ फो ख्रेंरिब आरे, धै ङए फिर बिश्‍वास लब्‍मैं खोंयोंइ क्‍यु पिरिब आरे।

यूहन्‍ना 6:44

ङ कुल्‍मिंबै आबाजी ङ ङाँर खबै सैं आपिंइ बिस्‍याँ खाबै या ङ ङाँर खल् आखाँ। दिलेया ङ ङाँर खब्‍मैंलाइन ङइ आखिरि त्हिंइर सोगों लमिंब्मुँ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

रोमी 4:17

परमेश्‍वरए छ्वेर छले प्ह्रिइमुँ, “ङइ क्‍हिलाइ ह्रें-ह्रेंमैंए खे तल् पिंइमुँ।” अब्राहामइ परमेश्‍वरए फिर बिश्‍वास लबइले परमेश्‍वरए उँइँर अब्राहाम ङ्यो ताँनए खे ग। परमेश्‍बरजी सियाबै म्हिलाइ सोगों लमिंम्, धै म्‍हिमैंइ लल् आखाँबै सै या खीजी पोंसि तल् लमिंम्।

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

१ कोरिन्थी 15:18

छ बिस्याँम् येशू ख्रीष्‍टए फिर बिश्‍वास लसि सियाब्मैं या नास तयाइमुँ।

१ कोरिन्थी 15:29

धै सिब्‍मैं धबै सोगों आतब् ङिंस्‍याँ म्‍हिमैंइ सियाब्‍मैंए ल्हागिर बप्‍तिस्‍मा किंसि तो फायदा तम्? सिब्‍मैं सोगों आतब् ङिंस्‍याँ चमैंइ सिब्‍मैंए ल्हागिर तले बप्‍तिस्‍मा किंब?

२ कोरिन्थी 4:14

येशू ख्रीष्‍टलाइ सिबउँइँले सोगों लमिंबै परमेश्‍वरजी ङिलाज्यै या येशू ख्रीष्‍टने घ्रिन् लसि सिबउँइँले सोगों लमिंब्‍मुँ, धै खीजी ङिलाइ क्‍हेमैंने बालुन् खीए ङाँर बोब्‍मुँ बिब ङि सेइमुँ।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

फिलिप्पी 3:10

खी सिसि धबै खैले सोइ खगे बिसि खीए शक्‍ति ङइ क्होल् खाँरिगे, धै खी सिब् धोंलेन् ङइ या सिलन् त्हुलै सिसि खीजी नोब् धों तबै दु:ख नोल् खाँरिगे।

१ थेसलोनिकी 4:14

तलेबिस्याँ प्रभु येशू सियालेया धबै सोगों तसि रेखइ बिसि ङ्योइ क्वेंम्, छलेन येशूए फिर बिश्‍वास लसि सियाब्‍मैंलाइ परमेश्‍वरजी सोगों लमिंसि येशूने पुयुब्मुँ।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 20:5

चुमैंन् सिबउँइँले ओंसों सोगों तब्मैं ग। अरू चैबै सियाब्‍मैं हजार घ्रि बर्ष आतन् समा धबै सोगों आत।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,

दर्शन 22:17

पबित्र प्ल्ह नेरो प्‍ह्रेंस्‍योइ खीने बिइमुँ, “यु”। चु ताँ थेबै म्हिमैंज्यै या छलेन खीने “यु” बिल् त्‍हुम्। क्‍यु पिब्मैं क्‍यु मूलर खरिगे। छ्ह पिंबै क्‍यु थुँदा ङ्हाँब्मैंइ छलेन् थुँरिगे।