यूहन्‍ना 10:2 - परमेश्‍वरए ताँ तमु क्युइर

² दिलेया म्राउँइँले न्होंर होंबै म्हि क्युमैंए प्ह्रोंछैं ग।

यूहन्‍ना 10:2 ပူးပေါင်းရင်းမြစ်များ

भजनमैं 23:1

याहवेह ङए प्ह्रोंछैं ग, ङने तोइ खाँचो तरिब् आरे।

भजनमैं 80:1

ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

मत्ती 15:11

“सुँउँइँले न्‍होंर होंबै सैइ म्हि पापर च्होल् आल। बरु सुँउँइँले बैरु त्‍होंबै आछ्याँबै ताँइ म्हिलाइ पापर च्होवाम्।”

यूहन्‍ना 10:14

“छ्याँबै प्ह्रोंछैं ङन् ग। ङइ ह्रोंसए क्युमैं ङो सेम्, धै ङए क्युमैंइ ङलाइ ङो सेम्।

यूहन्‍ना 10:7

छतसि येशूजी धबै चमैंने बिइ, “क्ह्रोंसेंन ङ क्‍हेमैंने बिमुँ, क्युमैंए खोरए म्रा ङन् ग।

यूहन्‍ना 10:9

म्रा ङन् ग। ङउँइँले न्‍होंर होंब्मैं ताँन् जोगेल् योंब्‍मुँ। धै चमैं खोरए न्हों, बैरु ह्‍याब खब लल् योंब्मुँ, धै छि मुँबै क्ल्ह्‍योर रेंल् योंब्‍मुँ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ तिमोथी 4:14

अगमबक्‍तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्‍वरउँइँले क्हिइ योंबै बरदानए हेल आलद्।

तीतस 1:5

क्रेट ह्‍युलर लल् त्हुबै केमैं क्‍हिइ पूरा लरिगे बिसि ङइ क्‍हि चर वाथेंइ। ङइ बिब् धोंले क्हिइ नाँ-नाँसर बिश्‍वासीमैं न्‍होंर चिब्मैं त्हाँसि खटिदिद्।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।

दर्शन 1:20

ङए क्‍योलो योर क्‍हिइ म्रोंबै मुसारा ङिउलो नेरो माराए पानस ङिउलोए अर्थ चु ग: मुसारा ङिउलोए अर्थ नाँस ङिउलोर्बै बिश्‍वासीमैंए फिर्बै चिब्मैं ग, झाइले चु पानस ङिउलोए अर्थ नाँस ङिउलोर्बै बिश्‍वासीमैं ग।