यूहन्‍ना 10:12 - परमेश्‍वरए ताँ तमु क्युइर

¹² मुइ पिंसि थेंबै म्हि बिस्याँ क्ह्रोंसेंन्बै प्ह्रोंछैं धों आत। क्युमैं ह्रोंसल् आङिंसेरो चइ प्याँउँ खरिब् म्रोंस्याँ क्युमैं वाथेंसि भौदियाम्। छतमा प्याँउँइँ क्युमैं ह्‍वाखम्, धै सोग्याँ प्हुग्याँ लवाम्।

यूहन्‍ना 10:12 ပူးပေါင်းရင်းမြစ်များ

मत्ती 10:16

“ङ्‍ह्‍योद्! ङइ क्‍हेमैं प्याँगुमैंए म्हाँजोर क्यु धोंले कुलरिइमुँ। छतसि क्‍हेमैं प्‍हुरि धोंले बाठो, तोंगु धोंले सोजो तसि टिल् त्‍हुम्।

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

यूहन्‍ना 10:13

च मुइ पिंसि थेंबै म्हि मत्‍त्रे ग, छतसि चइ क्युमैं छेनाले आङ्‌ह्‍यो।

यूहन्‍ना 10:2

दिलेया म्राउँइँले न्होंर होंबै म्हि क्युमैंए प्ह्रोंछैं ग।

यूहन्‍ना 10:3

म्रा रुँबै म्हिइ प्ह्रोंछैंए ल्हागिर म्रा थोंमिंम्। झाइले प्ह्रोंछैंइ ह्रोंसए क्युमैंए मिं तेसि हुइमा क्युमैंइ खीए कै थेम्। धै प्ह्रोंछैंइ क्युमैं बैरु छबर बोयाम्।

चेला चिब्मैंए केमैं 20:29

ङ ह्‍याबै लिउँइँ ङ्हिंन् ङ्हाँबै प्याउँमैं धों तबै म्हिमैं क्‍हेमैंए म्‍हाँजोरि खसि बिश्‍वासीमैंलाइ ल्हें दुःख पिंब्‍मु।

१ तिमोथी 3:3

प्हा आथुँब, प्होंगि आलब, ह्रिस आखब, सैदिल् खाँब, मुइए लोब आलब तल् त्हुम्।

१ तिमोथी 3:8

छलेन डिकनमैं या छ्याँबै बानि ब्योर प्ह्‍याल् त्‍हुम्, क्ह्रोंसेंन्बै ताँ पोंल् त्‍हुम्। प्हा थुँसि म्हेरल् आत, धै सै न्होरए लोबै या लल् आत।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

तीतस 1:7

तलेबिस्याँ परमेश्‍वरए के लल् त्हुबै म्‍हि तबइले च छ्याब् आरेब तल् त्‍हुम्। च सैं सारो नेरो युनन् ह्रिस खब, प्हा थुँब, प्‍होंगि मिब, मारा-मुइए लोब लल् आत।

१ पत्रुस 5:2

परमेश्‍वरजी क्‍हेमैंए जिम्‍मार थेंबै बगालए छैं छेनाले लद्। करइ आङिं, ह्रोंसए सैंइन म्रोंसि लद्। मुइए लोबै आङिं, चु ङइ लल् त्हुबै ङए जिम्‍मार्बै के ग बिब् मैंसि लद्।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।