यूहन्‍ना 10:1 - परमेश्‍वरए ताँ तमु क्युइर

¹ येशूजी बिइ “क्ह्रोंसेंन ङ क्हेमैंने बिमुँ, खाब् म्हि क्‍यु प्ह्रोंए म्राउँइँले न्होंर आहोंल्‍ले अरू क्ल्ह्‍योउँइँले क्रेसि होंमुँ च ह्‍यो नेरो डाँकु ग।

यूहन्‍ना 10:1 ပူးပေါင်းရင်းမြစ်များ

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

यूहन्‍ना 10:7

छतसि येशूजी धबै चमैंने बिइ, “क्ह्रोंसेंन ङ क्‍हेमैंने बिमुँ, क्युमैंए खोरए म्रा ङन् ग।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

रोमी 10:15

छलेन खाबज्‍यै बिमिंबै म्‍हिमैं आकुलस्‍याँ चमैंइ खैले बिप्रब? “सैं तोंबै ताँ बिमिंबै म्हिमैंए प्हले कति छ्याँब,” बिसि परमेश्‍वरए छ्वेर प्ह्रिइमुँ।

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

तीतस 1:11

छतसि चमैंए सुँर क्हा झोंल् त्‍हुम्, तलेबिस्याँ चमैंइ खेंमैंइ मुइ योंबै ल्हागिर म्हिमैंए धिं-धिंर होंसि स्योलिबै ताँमैं बिप्रसि चमैंए सैं भाँडिदिवाइमुँ। छाबै ताँमैं चमैंइ लोमिंल् आतमल।

हिब्रू 5:4

छतसि खाबज्‍यै या ङ खेगि क्रथे तम् बिसि तल् आखाँ, हारूनलाइ धोंले चलाइ परमेश्‍वरजी खटिदिम्।

१ पत्रुस 1:10

परमेश्‍वरजी क्‍हेमैंलाइ पिंबै चु मुक्‍तिए बारेर स्योंम्बै अगमक्‍तामैंज्यै या क्होल् म्हैल, धै परमेश्‍वरजी क्‍हेमैंलाइ पिंबै दयाम्हाँयाए बारेर ताँ पोंइ।

२ पत्रुस 2:1

ओंसों इस्राएलीमैंए न्‍होंरि परमेश्‍वरए ताँर स्योलिबै ताँ कोंसि लोमिंबै म्हिमैं मुँल। छलेन क्हेमैं न्होंरै या स्योलिबै ताँमैं लोमिंबै म्हिमैं तब्मुँ। क्हेमैंए न्होंरि सैं न्होंवाबै स्योलिबै ताँमैं चमैंइ पोंब्मुँ, ह्रोंसलाइ जोगेमिंबै क्ल्हेलाइ चमैंइ पिवाब्मुँ। छले ह्रोंसए फिर युनन् नास तबै सजैं चमैंइ पखब्मुँ।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।

१ यूहन्‍ना 4:1

ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।