यूहन्‍ना 1:50 - परमेश्‍वरए ताँ तमु क्युइर

⁵⁰ येशूजी चने बिइ, “ङइ क्हि तुँबुए धुँ न्‍होंर म्रोंल बिबर्न क्‍हिइ बिश्‍वास लम्मा? क्‍हिइ लिउँइँ चु भन्दा थे-थेबै सैमैं म्रोंब्‍मुँ।”

यूहन्‍ना 1:50 ပူးပေါင်းရင်းမြစ်များ

मत्ती 13:12

ङइ लोमिंबै ताँ छेनाले थेब्मैंइ झन् क्होल् योंब्मुँ। दिलेया ङए ताँ आथेब्मैंइ क्होइ बिसि ह्रब् प्हैंलेया चमैं ङाँइँले प्हेंवाब्मुँ।

मत्ती 21:19

घ्याँए रेर खीजी तुँबुए धुँ घ्रि म्रोंसि च धुँए ङाँर खमा च धुँर प्‍हो मत्‍त्रे म्रोंइ रो आयों। छतमा खीजी च धुँने बिइ, “तारे पिरु क्‍हिने खोंयोंइ रोमैं आरोरिगे।” छ बिबै तोदोंन् च धुँ ङ्योंलोंयाइ।

मत्ती 25:29

तलेबिस्याँ खाब्ने मुँ, चने मुँबै फिरै या थप्दिमिंब्मुँ, धै चने छ्येज्याल्हुल्हु तब्‍मुँ। खाब्ने आरे चने देदे मुँबै या प्‍हेंवाँब्मुँ।

लूका 1:45

परमेश्‍वरजी क्हिने बिबै ताँमैं पूरा तब्‍मुँ बिब् क्वेंसि क्‍हि बेल्‍ले ङ्‍हो सब् तइमुँ।”

लूका 7:9

चु ताँ थेसि येशू प्लेटोयाइ, धै खीजी ह्रोंसए लिलि खबै हुल ङाँइ तोसि “ङ क्‍हेमैंने बिमुँ, च्हौ थेबै बिश्‍वास लबै म्‍हि ङइ तोगो समा खोंयोंइ आम्रोंइमुँ। छाबै बिश्‍वास इस्राएली म्‍हिमैंने या आरे।”

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 1:51

धबै येशूजी बिइ, “क्ह्रोंसेंन ङइ क्हेमैंने बिमुँ, क्‍हेमैंइ स्‍वर्ग थोंब नेरो परमेश्‍वरए स्‍वर्गदूतमैं ङ म्हिए च्‍हए फिर क्रेदै, तदै लरिब म्रोंब्‍मुँ।” (खी स्वर्ग नेरो पृथ्‍बीए म्हाँजोर्बै घ्याँ ग।)

यूहन्‍ना 11:40

येशूजी चने बिइ, “क्हिइ बिश्‍वास लस्याँ परमेश्‍वरए औदिबै के म्रोंब्‍मुँ बिसि ङइ क्हिने बिब् आङिं वा?”

यूहन्‍ना 20:29

येशूजी चने बिइ, “क्‍हिइमि ङ म्रोंबइले ङए फिर बिश्‍वास लइ, दिलेया ङ आम्रोंलेया ङए फिर बिश्‍वास लब्मैं ङ्‍हो सब्मैं ग।”