यूहन्‍ना 1:48 - परमेश्‍वरए ताँ तमु क्युइर

⁴⁸ नथानेलइ खीने ङ्योएइ, “क्‍हिजी ङ खैले ङो सेइ?” येशूजी बिइ, “फिलिपइ क्हि हुइब् भन्दा ओंसोंन् ङइ क्‍हि तुँबुए धुँ न्‍होंर म्रोंल।”

यूहन्‍ना 1:48 ပူးပေါင်းရင်းမြစ်များ

मत्ती 10:3

झाइले फिलिप नेरो बारथोलोमाइ, थोमा, रोमी म्रुँए ल्हागिर बालि रेबै मत्ती, अल्‍फयसए च्‍ह याकूब, थेदियस,

मत्ती 6:6

छतसि क्‍हेमैंइ प्राथना लमा ह्रोंसए कोठा न्‍होंर होंनु, धै म्रा तोरसि आम्रोंल्‍ले मुँबै परमेश्‍वर आबाने प्राथना लद्। आम्रोंल्‍ले लबै केमैं म्रोंबै परमेश्‍वर आबाजी क्‍हेमैंलाइ इनाम पिंब्‍मुँ।

यूहन्‍ना 1:44

अन्‍द्रियास नेरो पत्रुस धोंलेन् फिलिपै या बेथसेदाथें मुँल।

यूहन्‍ना 12:21

चमैंइ गालीलर्बै बेथसेदाथें फिलिप ङाँर खसि “ओ चिब, ङि येशूने त्होदा ङ्हाँइमुँ,” बिसि यो छ्युँ लइ।

यूहन्‍ना 14:8

फिलिपइ खीने बिइ, “ओ प्रभु, ङिने आबा उँइँमिंन्। छ लमिंस्याँ ङिलाइ तोइ आचैदि।”

यूहन्‍ना 2:25

तलेबिस्याँ म्हिमैंए सैं खैब तम् बिब खीजी सेइमुँ। छतसि म्हिए बारेर खाबज्यै खीलाइ लोमिंल् आत्हु।

यूहन्‍ना 6:5

येशूजी म्हिए हुल खी ङाँइ खरिब् म्रोंसि खीए चेला फिलिपने बिइ, “चुमैं चल् पिंबै ल्हागिर ङ्योइ खनिउँइँले क्हें पखब् ङ्‍हे?”

यूहन्‍ना 6:7

फिलिपइ खीने बिइ, “च्‍हौ ल्‍हें म्हिमैंलाइ च्‍युगु च्‍युगु पिंना बिलेया ङ्हिब्ब्रा चाँदिए मुइइ क्हें किंलेया योरिब् आरे।”

१ कोरिन्थी 14:25

चमैंइ खेंमैंए सैं न्‍होंर्बै ताँमैं था सेब्मुँ, धै “क्‍ह्रोंसेंन परमेश्‍वर क्‍हेमैंए म्‍हाँजोर्न मुँन,” बिसि चमैंइ पद्खु तसि परमेश्‍वरलाइ फ्‍योब्‍मुँ।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।