यूहन्‍ना 1:33 - परमेश्‍वरए ताँ तमु क्युइर

³³ ओंसों ङइ खी ङो आसेल, दिलेया परमेश्‍वरजी ङ कुलसि बिइ, ‘म्हिमैं क्युर प्ल्हुँमिंसि बप्‍तिस्‍मा पिंन्।’ धै खीजीन् ङने बिल, ‘खाबै फिर क्हिइ पबित्र प्ल्ह तयुसि टिब् म्रोंब्मुँ, पबित्र प्ल्हउँइँले बप्‍तिस्मा पिंबै म्हि खीन् ग।’

यूहन्‍ना 1:33 ပူးပေါင်းရင်းမြစ်များ

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

यूहन्‍ना 1:31

ङज्यै खी ङो आसेल, दिलेया इस्राएलीमैंइ खी ङो सेरिगे बिसि म्हिमैं क्‍युर प्‍ल्हुँमिंसि बप्‍तिस्‍मा पिंदै ङ खइ।”

यूहन्‍ना 14:26

आबाजी ङए मिंर क्हेमैंलाइ ल्होमिंबै पबित्र प्ल्ह कुलमिंब्मुँ। खीजी क्‍हेमैंलाइ तोन्दोंरि ताँमैं लोमिंब्‍मुँ। धै ङइ क्‍हेमैंने ओंसोंन् बिबै ताँन् ताँमैं क्हेमैंलाइ चिमिंब्‍मुँ।

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

यूहन्‍ना 3:5

येशूजी बिइ, “क्‍ह्रोंसेंन ङ क्‍हिने बिमुँ, क्‍यु नेरो परमेश्‍वरए प्ल्हउँइँले आफिइ बिस्याँ खाबै या परमेश्‍वरए ग्याल्सर होंल् आखाँ।

यूहन्‍ना 7:39

येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

चेला चिब्मैंए केमैं 1:5

तलेबिस्याँ यूहन्‍नाइमि क्युइ बप्‍तिस्‍मा पिंइ, तारे दे त्हिंइ लिउँइँ पबित्र प्ल्हउँइँले क्हेमैंए बप्‍तिस्मा तब्‍मुँ।”

चेला चिब्मैंए केमैं 2:4

छतमा चमैं ताँन् परमेश्‍वरए पबित्र प्ल्हजी प्लिंयाँइ, धै पबित्र प्ल्हजी पिंबै शक्‍तिउँइँले चमैंइ स्यो-स्योबै क्युइर पोंबर होंइ।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।