याकूब 5:5 - परमेश्‍वरए ताँ तमु क्युइर

⁵ क्‍हेमैं चु पृथ्‍बीर बेल्‍ले सयल थोसि सैंर मैंब् धोंले छ्ह थोइमुँ। ख्रो पिंबै त्हिंइर सैबै ल्हागिर छोल्‍ले न्‍हथेंबै क्यु धोंले क्‍हेमैं छोइमुँ।

याकूब 5:5 ပူးပေါင်းရင်းမြစ်များ

भजनमैं 17:14

ओ याहवेह, च म्हिमैंइ चु ह्‍युलर्बै सै मत्त्रे म्हैम्, क्हिए योजी च म्हिमैं ङाँइँले ङ जोगेमिंन्। क्हिजी खोबै म्हिमैंलाइ बिस्याँ, क्हिजी चल् पिंम्, चमैंए च्ह-च्हमिमैंए ल्हागिरै या तोन्दोंरि योल्‍ले-ख्युल्‍ले पिंमुँ, धै खेंमैंए प्हसेमैंए ल्हागिर चमैंइ ल्हें सै न्होर साँथेंइमुँ।

भजनमैं 73:7

चमैंए सारो सैंउँइँले दुष्‍ट केमैं खम्; चमैंए सैंइ खोंयोंन् बिलै आछ्याँब ताँ मैंरिम्।

हितोपदेश 17:1

प्होंगि कैगि तबै धिंर सेने कैं चब् भन्दा क्ह्रिसि पैंगु प्रोलि चब छ्याँब् ग।

हितोपदेश 7:14

“तिंयाँ ङइ लबै भक्‍कल पूरा लसि ङए धिंर ख्रो पिंबउँइँले से मुँ।

लूका 16:19

येशूजी धबै बिइ, “छाबै प्लबै म्‍हि घ्रि मुँल। चइ सै ल्हें फेबै छ्याँबै क्‍वेंमैं खिमल। त्हिंइ ह्रोंसे लिं-लिंबै चबै सैमैं चसि मजाले त्हिंइ थोमल।

लूका 16:25

“दिलेया अब्राहामइ बिइ, ‘बाबु, क्‍हिइ मैंन्। क्‍हिए छ्हर छ्याँ-छ्याँबै सैमैं योंसि क्हिइ सुखले छ्ह थोइ। दिलेया लाजरसइ दुःखै दुःखर्न छ्ह थोइ। दुःख योंलेया चइ परमेश्‍वर मैंइ, क्हिइ बिस्याँ परमेश्‍वर खोंयोंइ आमैं, ङम् ङन् ग बिसि टिइ। छतसि तोगो लाजरसइ चुर सुख योंइमुँ, क्‍हिइ बिस्याँ चर दुःख योंइमुँ।

रोमी 13:13

त्हिंर्बै ह्‍वेर टिब्‍मैं धोंले छ्याँबै छ्ह थोले। सयल लप्रब, प्हा को तब, ब्यभिचार लब, तो लदा ङ्हाँमुँ चन् लब, प्होंगि मिब नेरो ह्रिस लब छाबै केमैं ताँन् पिवाद्।

१ तिमोथी 5:6

दिलेया म्हरेस्यो तसेया च खै तदा ङ्हाँमुँ छान् तप्रस्याँ सोगोंन् तलेया सियाब् धोंन् तब् ग।

२ तिमोथी 3:4

अझै चमैंइ अरूलइ धोका पिंब, खैचिज्हिले पोंब, ह्रब् प्‍हैंब, परमेश्‍वरए सैं तोंन् लबै साटोर चमैं मोज-मज्‍जा लब् खोब।

२ पत्रुस 2:13

त्‍हिंयाँर्न ज्युउँइँले खबै इच्छाए केमैं लबर चमैं सैं तोंम्। चमैं इजेत आरेबै फा आपिबै म्हिमैं ग। छतसि क्‍हेमैंने बालु चब् चमा चमैं बेल्‍ले चदै थुँदै मख्ख तब्मुँ। दिलेया चमैंइ लबै आछ्याँबै केमैंए नों चमैंइ भुँदिल् त्‍हुम्।

यहूदाइ प्‍ह्रिबै प्ह्रिछ्या 1:12

संगति लल् खाँसि चब् थुँब् लमा चुमैं पि आरेल्‍ले चब्मैं ग। तलेबिस्याँ चमैंइ खाबलाज्यै या वास्ता आल, अरूइ चल् योंरिगे उ आयोंरिगे चमैंलाइ न्हुँ आरे। चमैं थेबै खैंइ नोइ बोवाबै नाँ आरेबै न्‍हाँम्‍स्यो धों तब्मैं ग। झाइले रो आरोबै सर्खर्बै सिं धुँ धों तब्मैं ग, ङ्हिब्‍ले सियाबै धुँमैं धोंले चमैं जराउँइँलेन् स्‍युवाइमुँ।

दर्शन 18:7

चइ खैले सयल लसि सुख योंल, छलेन् चए फिर दुःख नेरो शोक तल् पिंन्। तलेबिस्याँ ‘ङ चुर म्रुँस्‍यो तसि टिइमुँ। म्हरेस्योलाइ धोंले ङलाइ शोक तरिब् आरे, ङ क्रोब-म्‍होब खोंयोंइ लल् त्हुरिब् आरे!’ बिसि चइ मैंम्।