याकूब 5:4 - परमेश्‍वरए ताँ तमु क्युइर

⁴ म्रोंर के लबै म्रोंमैंलाइ पिंल् त्हुबै नों सै क्‍हेमैंइ आपिंइमुँ। च नों सैइ क्हेमैंए फिर छ्याब् ल्हैदिइमुँ। ताँन् भन्दा थेबै भों मुँबै परमेश्‍वरजी क्‍हेमैंए म्रोंमैंए सैं क्रोब थेल् खाँइमुँ।

याकूब 5:4 ပူးပေါင်းရင်းမြစ်များ

उत्पत्ति 4:10

याहवेहजी बिइ, “क्हिइ छाबै आछ्याँबै के तले लल? क्हिए अलिए कोइ सउँइँले ङने ग्वार ह्रिरिइमुँ।

भजनमैं 9:12

तलेबिस्याँ याहवेहजी दुःख तब्मैं आम्ले, चमैंइ ग्वार ह्रिमा खीजी थेम्, धै चमैंलाइ दु:ख पिंब्मैंलाइ दण्डा पिंम्।

प्रस्थान 22:27

तलेबिस्याँ चल नेंबै क्वें च घ्रि मत्‍त्रे ग। च घ्रि या क्हिइ थेंवास्याँ च तो नेंसि रोब? छतसि चइ ङने ग्वार ह्रिइ बिस्याँ ङ चए ताँ थेब्मुँ, तलेबिस्याँ ङइ ल्हयो खमुँ।

प्रस्थान 3:9

तोगो इस्राएलीमैंइ ग्वार ह्रिब ङइ थेइमुँ। मिश्रीमैंइ चमैंलाइ ह्रुगुदिसि दुःख पिंब ङइ म्रोंइमुँ।

मत्ती 9:37

छतमा खीजी ह्रोंसए चेलामैंने बिइ, “ङ्‌ह्‍योत्ति! रा-रोमैं ल्हेंन् मुँ, दिलेया रा-रोमैं खुबै म्रोंमैं बिस्‍याँ च्‍युगुदे मुँ।

लूका 18:7

छलेन परमेश्‍वरजी त्हाँबै म्हिमैंइ त्हिंयाँ म्हुँइँस खीने प्राथना लब्मैंए निसाफ खीजी आलमिं रो वा? क्हेमैंए ल्हागिर निसाफ लमिंबर खीजी क्हैल् लम् रो वा?

रोमी 9:29

चु भन्दा ओंसों यशैयाइ चु या बिइमुँ, “स्वर्गर्बै सेनामैंए चिब याहवेहजी सदोम नेरो गमोरा बिबै सहरर्बै म्‍हिमैं नास लवामा ङ्योए ल्हागिर सन्‍तान घ्रि या आथेंस्‍याँ ङ्यो यहूदीमैं च सहरर्बै म्‍हि धोंलेन् नास तबर फेमल।”

कलस्सी 4:1

ओ क्ल्हेमैं, क्‍हेमैंलै या स्‍वर्गर क्ल्हे मुँ बिब् सेसि क्‍हेमैंइ ठिकले नेरो छेनाले केब्छैंमैं के ल्‍हैदिद्।