याकूब 5:3 - परमेश्‍वरए ताँ तमु क्युइर

³ क्‍हेमैंए मारा चाँदि साँथेंसि खैर खइमुँ। छले साँथेंबै मारा चाँदिर मुँबै खैरइन क्‍हेमैं मुइ पैसाए म्हाँया लब्‍मैं मुँन बिसि ग्वाइ पिंब्‍मुँ। छले साँथेंबै सै न्होरइन मिइ ख्रोंवाब् धोंले क्हेमैंलाइ ख्रोंवाब्‍मुँ। तलेबिस्याँ नुयाबै त्हिंइए ल्हागिरि क्‍हेमैंइ सै न्होर साँथेंइमुँ।

याकूब 5:3 ပူးပေါင်းရင်းမြစ်များ

उत्पत्ति 31:48

लाबानइ याकूबने बिइ, “क्हि नेरो ङए म्हाँजोर बाछाए साक्षि तसि ङ्योए सैंर चु बाछा मैंल् लबर तिंयाँ चु युँमाए थुप्रो क्योइमुँ।” छतसि चए मिं गलेद थेंइ।

उत्पत्ति 31:52

चु थुप्रो नेरो त्हो साक्षि तरिगे। तारे चु थुप्रो ङ्वैसि क्हि ङाँर ङ न्होह्रों लबर क्योंजा खरिब् आरे। छलेन चु थुप्रो नेरो त्हो ङ्वैसि क्हि या ङ ङाँर तोइ न्होह्रों लबर चोंजा आखो।

उत्पत्ति 49:1

झाइले याकूबइ ह्रोंसए च्हमैं हुइसि बिइ, “क्हेमैं चुर खागु तद्। तारे पिरु क्हेमैंए फिर तो तखब्मुँ च ङइ बिमिंस्यो।

चेला चिब्मैंए केमैं 2:17

‘नुखबै त्हिंइजरे छ तब्मुँ बिसि परमेश्‍वरजी बिइमुँ, ङइ ताँन् म्हिमैंए फिर ङए पबित्र प्ल्ह कुल्मिंब्मुँ। धै क्‍हेमैंए च्‍ह-च्हमिमैंइ अगमवाणि पोंब्मुँ, क्‍हेमैंए फ्रेंसिंमैंइ दर्शनमैं म्रोंब्मुँ, धै क्‍हेमैंए खेब्मैंइ म्‍होंडा म्होंब्मुँ।

रोमी 2:5

दिलेया क्‍हिइ सैं सारो लसि परमेश्‍वर ङाँइ सैं एदा आङ्हाँ। छतसि परमेश्‍वरजी ठिक निसाफ लबै त्हिंइर क्‍हिइ अझै थेबै सजैं योंब्‍मुँ।

२ तिमोथी 2:17

केर आफेबै ताँमैं खोंयोंइ आसबै घा धों तब् ग। छाबै ताँ पोंब्मैं न्होंरि हुमेनियस नेरो फिलेतस ग।

२ पत्रुस 3:3

क्हेमैंइ सेल् त्हुबै ताँ: तारे खबै त्हिंइ जरे ह्रोंसए सैंर तो मैंमुँ, चन् लप्रब्मैं त्‍होंब्‍मुँ। क्हेमैंए बिल्‍लि लदै चमैंइ छ बिब्मुँ,

दर्शन 17:16

क्‍हिइ म्रोंबै च रुँ च्‍यु मुँबै खेदोइ च फ्यालुस्योलाइ हेल लब्मुँ, धै चने मुँबै ताँन् सैमैं प्हेंवासि चलाइ क्‍लुना लवाब्‍मुँ। चमैंइ चए से चब्‍मुँ, झाइले चलाइ मिर झोंवाब्‍मुँ।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”