याकूब 4:6 - परमेश्‍वरए ताँ तमु क्युइर

⁶ दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

याकूब 4:6 ပူးပေါင်းရင်းမြစ်များ

भजनमैं 138:6

याहवेह बेल्‍ले थेब मुँलेन थेब् आप्हैंब्मैंलाइ खीजी ङ्ह्‍योम्, दिलेया थेब् प्हैंब्मैं बिस्याँ खीजी ह्रेंगोउँइँलेन् ङो सेम्।

भजनमैं 9:12

तलेबिस्याँ याहवेहजी दुःख तब्मैं आम्ले, चमैंइ ग्वार ह्रिमा खीजी थेम्, धै चमैंलाइ दु:ख पिंब्मैंलाइ दण्डा पिंम्।

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

हितोपदेश 15:33

याहवेहए मान लबै म्हिइ बुद्धि योंम्, ह्रोंस च्योंने तस्याँ मान योंब्मुँ।

हितोपदेश 18:12

तोन् तोर्न थेब् प्हैंबै म्हि नास तयाब्मुँ, कुरबै म्हिइ मान योंब्मुँ।

हितोपदेश 22:4

च्योंरि तब नेरो याहवेहलाइ म्हाँदिबै म्हिइ सै न्होर, इजेत नेरो ह्रिंबै छ्ह योंम्।

हितोपदेश 29:23

तोन् तोर्न थेब् प्हैंबै म्हि कुरल् त्हुम्; दिलेया कुरबै म्हिइ मान योंब्मुँ।

हितोपदेश 3:34

आगुलाइ प्ह्रब्मैंलाइ खीजी प्ह्रम्, दिलेया कुरब्मैंलाइ खीजी ल्हयो खम्।

मत्ती 13:12

ङइ लोमिंबै ताँ छेनाले थेब्मैंइ झन् क्होल् योंब्मुँ। दिलेया ङए ताँ आथेब्मैंइ क्होइ बिसि ह्रब् प्हैंलेया चमैं ङाँइँले प्हेंवाब्मुँ।

मत्ती 23:12

ह्रोंसइन ह्रोंस थेब लबै म्हि परमेश्‍वरजी च्‍योंब् लवाब्‍मुँ। धै ह्रोंसइन ह्रोंस च्योंब् लबै म्हि परमेश्‍वरजी थेब लमिंब्‍मुँ।

लूका 1:52

खीजी थेब् प्हैंबै म्रुँमैं चमैंए राजगद्दिउँइँले तवाइमुँ, आ‍यों आख्युब्मैंलाइ कैंडो लमिंइमुँ।

लूका 14:11

तलेबिस्याँ ह्रोंसन् थेब् प्‍हैंबै म्हिमैं परमेश्‍वरजी च्‍योंब लवाब्‍मुँ, दिलेया ह्रोंसन् च्‍योंने तसि टिब्मैंलाइ परमेश्‍वरजी थेब लमिंब्‍मुँ।”

लूका 18:14

“ङ क्हेमैंने बिमुँ, च फरिसी भन्दा बालि रेबै म्‍हि परमेश्‍वरए उँइँर ठिक ठर्दिसि धिंर एह्‍याइ। तलेबिस्याँ तोगो च्योंने तसि कुरब्मैंलाइ परमेश्‍वरजी थेब लमिंब्मुँ। तोगो ङम् ङन् ग बिसि थेब् प्हैंब्मैं परमेश्‍वरजी कुरवाब्‍मुँ।”

याकूब 4:10

ह्रोंसलाइ प्रभुए उँइँर च्‍योंब लद्, धै खीजी क्‍हेमैं थेब लमिंब्‍मुँ।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”