याकूब 4:3 - परमेश्‍वरए ताँ तमु क्युइर

³ धै क्‍हेमैंइ परमेश्‍वरने ह्रिलेया आयों, तलेबिस्याँ क्‍हेमैंइ ह्रोंसए सयल थोबै ल्हागिर मत्‍त्रे आछ्याँबै सैंइ ह्रिम्।

याकूब 4:3 ပူးပေါင်းရင်းမြစ်များ

भजनमैं 18:41

चमैंइ ल्होमिंन् बिसि ग्वार ह्रिइ, दिलेया चमैं जोगेमिंब खाबै आरेल। चमैंइ याहवेहने या ग्वार ह्रिइ, दिलेया खीजी चमैंने तोइ ज्वाफ आपिं।

हितोपदेश 1:28

“च त्हेर क्हेमैंइ ङने ग्वार ह्रिब्मुँ, दिलेया ङइ थेरिब् आरे; चमैंइ दु:खले ङ म्हैप्रब्मुँ दिलेया चमैंइ ङ स्यारिब् आरे।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 21:13

दुःख योंबै म्हिइ ग्वार ह्रिमा थबै न्ह आलल्‍ले टिबै म्हिइ ग्वार ह्रिमा चलाइ खाबज्यै ल्होरिब् आरे।

हितोपदेश 21:27

दुष्‍ट म्हिइ पिंबै ख्रो याहवेहजी आखो; झन् आछ्याँब सैं लसि पिंबै ख्रो कति आखो।

मत्ती 20:22

दिलेया येशूजी चमैंने बिइ, “क्‍हेमैंइ तो ह्रिरिइमुँ च सै क्‍हेमैंइ था आसे। तारे ङइ नोबि छेबै दुःख क्‍हेमैंइ नोल् खाँम्‍मा?” बिमा चमैंइ “खाँम्,” बिइ।

मर्कूस 10:38

छबिमा येशूजी चमैंने बिइ, “क्‍हेमैंइ ह्रिबै सै क्‍हेमैंन आसेइमुँ। ङइ नोब् धों तबै दुःख क्‍हेमैंइ नोल् खाँम्‍मा? ङइ किंब् धों तबै बप्‍तिस्मा क्‍हेमैंइ किंल् खाँम्‍मा?”

लूका 11:10

तलेबिस्याँ ह्रिब्मैंइ योंब्‍मुँ, म्‍हैब्मैंइ स्याब्‍मुँ, झाइले म्रार ह्राब्मैंए ल्हागिर परमेश्‍वरजी म्रा थोंमिंब्‍मुँ।

लूका 15:13

दे त्हे लिउँइँ च्‍ह च्‍योंबइ ह्रोंसए अँश चुँवाँसि ताँन् मुइ खागु लसि धिंउँइँले त्‍होंयाइ। धै ह्रेंगोर्बै ह्‍युलर ह्‍यासि बेल्‍ले फुर्मास लसि मुइ ताँन् नुवाइ।

लूका 15:30

क्‍हिए सै न्होर बोसि ताँन् नुवाबै च्ह एखमा चए ल्हागिर क्‍हिइ छोबै क्‍यु साँडे सैसि च्‍हौ थेबै भत्‍यार लमिंब आ।’

याकूब 4:1

क्‍हेमैंए न्‍होंरि प्होंगि कैगि खनिउँइँले खमुँ? च ताँन् केमैं सयल थोदा ङ्हाँबै सैंउँइँले खम्, आङिं वा? छाबै सयल थोबै ताँ क्‍हेमैंए सैंर खोंयोंइ बिले तरिम्।

१ यूहन्‍ना 3:22

झाइले ङ्योइ खीने तो सै ह्रिलेया योंम्, तलेबिस्याँ खीजी बिबै ताँमैं ङ्योइ ङिंम्, धै खीए सैं तोंन् लबै केमैं ङ्योइ लम्।

१ यूहन्‍ना 5:14

झाइले खीए सैंर मैंब् धोंले ङ्योइ खीने तो ह्रिलेया खीजी ङ्योए ताँ थेमिंम् बिब् सेसि ङ्यो खीए उँइँर तोइ आङ्हाँन्ले ह्‍याल् खाँम्।