याकूब 4:10 - परमेश्‍वरए ताँ तमु क्युइर

¹⁰ ह्रोंसलाइ प्रभुए उँइँर च्‍योंब लद्, धै खीजी क्‍हेमैं थेब लमिंब्‍मुँ।

याकूब 4:10 ပူးပေါင်းရင်းမြစ်များ

भजनमैं 113:7

खीजी आयों आख्युब्मैं त्हुलउँइँले रेमिंम्, धै ङ्हाँदुमैं मेब्रोए रासउँइँले क्वेमिंम्।

भजनमैं 147:6

याहवेहजी ङ्हाँदुमैं नेरो सैं च्योंब तब्मैंलाइ भों पिंमुँ, दिलेया दुष्‍टमैंलाइ बिस्याँ खीजी सर प्योवाम्।

भजनमैं 27:6

झाइले ङए कारग्यु तखबै शत्तुरमैंए फिर खीजी ङए क्र कैंडो लमिंब्मुँ, छतसि खीए पबित्र तम्बुर ङ सैं तोंदै ओरादै ख्रो पिंखब्मुँ; धै भजन प्रिंदै याहवेहए मिं थेब् लब्मुँ।

भजनमैं 28:9

क्हिए म्हिमैं जोगेमिंन्, धै ह्रोंसजी त्हाँबै म्हिमैंलाइ आशिक पिंन्! चमैंए प्ह्रोंछैं तमिंनु, धै खोंयोंन् बिलै चमैंए वास्ता लमिंन्।

भजनमैं 30:1

ओ याहवेह, क्हिजी ङ गैरुउँइँले कैंडो तेमिंइ, धै ङ म्रोंसि ङए शत्तुरमैं निस्योल् आपिंइमुँ, छतसि ङ क्हिए मिं थेब् लब्मुँ।

प्रस्थान 10:3

छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

हितोपदेश 29:23

तोन् तोर्न थेब् प्हैंबै म्हि कुरल् त्हुम्; दिलेया कुरबै म्हिइ मान योंब्मुँ।

मत्ती 23:12

ह्रोंसइन ह्रोंस थेब लबै म्हि परमेश्‍वरजी च्‍योंब् लवाब्‍मुँ। धै ह्रोंसइन ह्रोंस च्योंब् लबै म्हि परमेश्‍वरजी थेब लमिंब्‍मुँ।

लूका 1:52

खीजी थेब् प्हैंबै म्रुँमैं चमैंए राजगद्दिउँइँले तवाइमुँ, आ‍यों आख्युब्मैंलाइ कैंडो लमिंइमुँ।

लूका 14:11

तलेबिस्याँ ह्रोंसन् थेब् प्‍हैंबै म्हिमैं परमेश्‍वरजी च्‍योंब लवाब्‍मुँ, दिलेया ह्रोंसन् च्‍योंने तसि टिब्मैंलाइ परमेश्‍वरजी थेब लमिंब्‍मुँ।”

लूका 18:14

“ङ क्हेमैंने बिमुँ, च फरिसी भन्दा बालि रेबै म्‍हि परमेश्‍वरए उँइँर ठिक ठर्दिसि धिंर एह्‍याइ। तलेबिस्याँ तोगो च्योंने तसि कुरब्मैंलाइ परमेश्‍वरजी थेब लमिंब्मुँ। तोगो ङम् ङन् ग बिसि थेब् प्हैंब्मैं परमेश्‍वरजी कुरवाब्‍मुँ।”

१ पत्रुस 5:6

छतसि ह्रोंसन् च्‍योंने तसि थेबै शक्‍ति मुँबै परमेश्‍वरए यो न्होंर टिद्, धै खीजी ठिक त्हेर क्‍हेमैंलाइ थेब् लमिंब्‍मुँ।