याकूब 3:5 - परमेश्‍वरए ताँ तमु क्युइर

⁵ छलेन ङ्योए ले च्युथिरि मुँलेया ङ्योइ तार आझोंस्याँ चइ थे-थेबै ताँ पोंम्। च्‍युथिरि मिइ थे-थेबै क्ह्‍यों (बन) तिस्यादेर्न ख्रोंवाम्।

याकूब 3:5 ပူးပေါင်းရင်းမြစ်များ

भजनमैं 10:3

तलेबिस्याँ दुष्‍टमैं ह्रोंसए सैंर मैंबै आछ्याँबै ताँर्न प्हैंरिम्, चमैंइ खोंबै म्हिलाइ आशिक पिंम्, धै याहवेहलाइ स्यारम्।

भजनमैं 17:10

चमैंए सैंर दयाम्‍हाँया तोइ आरे, दिलेया चमैं बेल्‍ले थेब् प्हैंसि पोंम्।

भजनमैं 39:1

“ङइ तो के ललेया च्हैंसि मैंसि छेनाले लब्मुँ, धै ङए सुँज्यै या आछ्याँबै ताँमैं पोंरिब् आरे। दुष्‍ट म्हिमैंए उँइँर ङ तोइ ताँ पोंरिब् आरे,” बिसि ङइ बिल।

प्रस्थान 15:9

शत्तुरइ बिइ, ‘ङइ चमैं ल्हासि स्याब्मुँ, लुडिबै सैमैं ङ चुब्मुँ, च लुडिबै सैमैंउँइँले तो लदा ङ्हाँमुँ च ङ किंब्मुँ। ङइ ङए सेलाँ (तरवार) ट्‍हुइसि चमैं सैवाब्मुँ।’

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

हितोपदेश 12:18

खैज्हिजिले पोंमा सेलाँइ धोंले म्हिलाइ म्‍लोम्, दिलेया च्हैंसि मैंसि छेनाले पोंमा नरिबै सैं सल् लम्।

हितोपदेश 15:2

बुद्धि मुँबै म्हिइ ठिक ताँमैं पोंम्, दिलेया आमादुमैंइ बुद्धि आरेबै ताँमैं लम्।

हितोपदेश 18:21

सैब नेरो सोल् लबै शक्‍ति लेर मुँ, खैलि पोंइमु, चमैंइ चए रो चब्मुँ।

हितोपदेश 26:20

सिं आरेस्याँ मि सियाम्, ताँ स्यारब्मैं आरेस्याँ प्होंब-कैब म्हयाम्।

याकूब 3:4

ङ्ह्‍योत्ति, क्यु झाजमैं थेबै खैंए भोंइ प्रम्। क्यु झाजमैं थे-थेब मुँलेया च्‍युथिरि ओलेबै सैउँइँले क्यु झाज ओलेबै म्‍हिइ ह्रोंसइ खनि बोदा ङ्हाँमुँ छाइन बोम्।

२ पत्रुस 2:18

चमैंइ ङिम् ङिन् ग बिब् प्हैंसि थे-थेबै ताँमैं लम्, धै भर्खर आछ्याँबै घ्याँ पिसि छ्याँबै घ्याँर ल्हैदिब्मैंलाइ ज्युउँइँले खबै इच्‍छार लोब उँइँमिंसि फस्ला फस्लु लवाम्।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।