याकूब 3:4 - परमेश्‍वरए ताँ तमु क्युइर

⁴ ङ्ह्‍योत्ति, क्यु झाजमैं थेबै खैंए भोंइ प्रम्। क्यु झाजमैं थे-थेब मुँलेया च्‍युथिरि ओलेबै सैउँइँले क्यु झाज ओलेबै म्‍हिइ ह्रोंसइ खनि बोदा ङ्हाँमुँ छाइन बोम्।

याकूब 3:4 ပူးပေါင်းရင်းမြစ်များ

योना 1:4

दिलेया याहवेहजी झाजन् फुवाल् म्हैबै थेबै नाँ-खैं मा ङ्युँइर खल् पिंइ।

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

मत्ती 8:24

तिस्याँदे लिउँइँ मा ङ्युँइर थेबै नाँ खैं तसि क्‍युए भेल्‍गाइ डुँङ्गा प्ल्हुँयाबि छेइ। येशू बिस्‍याँ न्‍हरु च्‍हुइरिल।

चेला चिब्मैंए केमैं 27:11

दिलेया कप्‍तानइ पावलए ताँ आथेल्‍ले क्यु झाज ओलेबै म्हि नेरो क्यु झाजए क्ल्हेए ताँ क्वेंइ।

याकूब 3:3

ङ्योइ बिब ङिंरिगे बिसि घोडाए सुँर लगाम झोंस्‍याँ ह्रोंसइ खनिर बोदा ङ्हाँमुँ छाइन बोल् खाँम्।

याकूब 3:5

छलेन ङ्योए ले च्युथिरि मुँलेया ङ्योइ तार आझोंस्याँ चइ थे-थेबै ताँ पोंम्। च्‍युथिरि मिइ थे-थेबै क्ह्‍यों (बन) तिस्यादेर्न ख्रोंवाम्।