याकूब 2:22 - परमेश्‍वरए ताँ तमु क्युइर

²² अब्राहामइ बिश्‍वासउँइँलेन् छाबै के लइ। छले चइ लबै केउँइँलेन् चए बिश्‍वास क्ह्रोंसेंन्बै मुँन बिब् सेइ।

याकूब 2:22 ပူးပေါင်းရင်းမြစ်များ

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

यूहन्‍ना 6:29

येशूजी चमैंने बिइ, “खीजी कुल्‍मिंबै म्हिए फिर बिश्‍वास लद्, चुन् परमेश्‍वरजी खोबै के ग।”

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

१ थेसलोनिकी 1:3

छले प्राथना लमा चु ताँमैं सों ङिए सैंर मैंम्: क्‍हेमैंइ प्रभु येशूए फिर बिश्‍वास लसि छ्याँबै के लइमुँ। झाइले ताँनने म्हाँया लसि क्‍हेमैंइ थेबै के लइमुँ। प्रभु येशू ख्रीष्‍ट क्ह्रोंसेंन धबै युब्‍मुँ बिसि क्‍हेमैंइ थेबै बिश्‍वास लइमुँ।

याकूब 2:18

दिलेया कोइ म्‍हिइ बिलै, “क्हिने प्रे बिश्‍वास मुँ, ङने प्रे केमैं। ल्हु, छबिस्याँ के आलल्‍ले क्‍हिइ लबै बिश्‍वास ङने उँइँन्दि! धै ङइ के लसि ङइ लबै बिश्‍वास क्‍हिने प्रे उँइँब्मुँ।”

१ यूहन्‍ना 2:5

दिलेया परमेश्‍वरजी बिबै ताँ ङिंबै म्हिइ क्‍ह्रोंसेंन्लेन् परमेश्‍वरलाइ सैं न्होंउँइँलेन् म्हाँया लम्। छले ङिंइबिस्‍याँ परमेश्‍वर ङ्योने मुँ बिसि पक्‍का था सेम्।