याकूब 2:21 - परमेश्‍वरए ताँ तमु क्युइर

²¹ ङ्योए खे अब्राहामइ ह्रोंसए च्‍ह इसहाकलाइ परमेश्‍वरए मिंर ख्रो पिंबर होंइ। छतसि परमेश्‍वरए उँइँर च ठिक के लबै म्हि तइ, आङिं वा?

याकूब 2:21 ပူးပေါင်းရင်းမြစ်များ

भजनमैं 143:2

ह्रोंसए केब्छैंए बिरोधर निसाफ आलमिंनु, तलेबिस्याँ क्हिए उँइँर सोगों म्हिमैं खाबै या ठिक ठर्दिल् आखाँ।

मत्ती 12:37

तलेबिस्याँ क्‍हिइ पोंबै ताँमैंउँइँलेन् क्हेमैं छ्याब् मुँब नेरो छ्याब् आरेब ठर्दिब्मुँ।”

मत्ती 3:9

‘ङि यहूदीमैं परमेश्‍वरजी त्‍हाँबै म्‍हि अब्राहमए खलकर्बै तसेरो ङि परमेश्‍वरए सजैंउँइँले स्योल् योंब्‍मुँ,’ बिसि ह्रों-ह्रोंसन् बिआप्रद्। तलेबिस्याँ ङ क्हेमैंने बिमुँ, परमेश्‍वरजी अब्राहमए ल्हागिर चु युँमाउँइँले या सन्‍तान् लमिंल् खाँम्।

लूका 1:73

खीजी ङ्योए खे अब्राहामने क्ह्रोंसेंन ङइ फैबै बाछा पूरा लमिंब्मुँ बिसि बाछा फैल।

लूका 16:24

“चइ कै तेसि बिइ, ‘ओ बाज्‍यू अब्राहाम, ङए फिर ल्हयो खसि लाजरस ङ ङाँर कुल्मिंन्। चए योरि क्‍युर प्‍ल्हुँसि ङए सुँर झोंमिंरिगे। तलेबिस्या ङ चु मिए राबर थेबै दुःख योंरिइमुँ।’

लूका 16:30

“च प्‍ल्हो‍बै म्‍हिइ धबै बिइ, ‘आङिं, बाज्‍यू अब्राहाम, चमैंइ प्ह्रिबै ताँ आक्वेंलै या सियाबै म्‍हिमैंउँइँले घ्रि सोगों तसि चमैं ङाँर ह्‍याइ बिस्‍याँ बल्‍ल चमैंइ ह्रोंसए आछ्याँबै केमैंउँइँले सैं एसि परमेश्‍वरए ताँ क्वेंब्मुँ।’

यूहन्‍ना 8:39

चमैंइ खीने बिइ, “ङिए आबाम् अब्राहाम ग।” येशूजी चमैंने बिइ, “क्‍हेमैं अब्राहामए सन्तानमैं ङिंब् ग बिस्‍याँ अब्राहामइ लब् धों तबै केमैं क्‍हेमैंज्‍यै लमल।

यूहन्‍ना 8:53

ङिए खे अब्राहाम नेरो अगमबक्‍तामैं भन्दा क्हि थेब वा? क्‍हि ह्रोंसलाइ खाब् बिमुँ?”

चेला चिब्मैंए केमैं 7:2

चइ बिइ, “ओ ङए आबामैं, आघें-अलिमैं, ङए ताँ थेद्। थेबै मान मुँबै परमेश्‍वरजी ङ्योए खे अब्राहाम हारानर टिब् भन्दा ओंसोंन् मेसोपोटामियार च ङाँर म्रोंयुसि

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 4:1

ङि यहूदीमैंए खे अब्राहाम परमेश्‍वरए उँइँर खैले ठिक ठर्दिइ? चए बारेर सैंर मैंले।

रोमी 4:12

ज्युर चिनु लब् भन्दा ओंसोंन् अब्राहामइ परमेश्‍वरए फिर बिश्‍वास लइ। छतसि ज्युर चिनु लबै यहूदीमैं या अब्राहामइ धोंलेन् परमेश्‍वरए फिर बिश्‍वास लइबिस्‍याँ चमैंए खे अब्राहामन् ग।

रोमी 4:16

परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

हिब्रू 11:17

परमेश्‍वरजी अब्राहामए जाँच लमा अब्राहामइ बिश्‍वासए भरर्न ह्रोंसए च्ह इसहाक ख्रो पिंबर होंइ। परमेश्‍वरजी ओंसोंन् अब्राहामने बाछा फैलेया अब्राहामइ खीए घ्रिदे मुँबै च्‍हए ख्रो पिंबर छेइ,

याकूब 2:18

दिलेया कोइ म्‍हिइ बिलै, “क्हिने प्रे बिश्‍वास मुँ, ङने प्रे केमैं। ल्हु, छबिस्याँ के आलल्‍ले क्‍हिइ लबै बिश्‍वास ङने उँइँन्दि! धै ङइ के लसि ङइ लबै बिश्‍वास क्‍हिने प्रे उँइँब्मुँ।”

याकूब 2:24

छतमा खीए फिर बिश्‍वास लब्मैंइ बिश्‍वास मत्‍त्रे आङिं, छ्याँबै केमैं या लल् त्हुमन। छलस्याँ परमेश्‍वरए उँइँर ठिक के लबै म्हिमैं तब् मुँन।