याकूब 2:16 - परमेश्‍वरए ताँ तमु क्युइर

¹⁶ क्‍हेमैंए न्होंरि खाबज्यै चने “छेनाले ह्‍याद्, टोंन्ले टिद्, म्रेंन्ले चद्” मत्‍त्रे बिसि चए चैदिबै सै तोइ आपिंइ बिस्‍याँ, चइ तो योंइ? तोइ आयों।

याकूब 2:16 ပူးပေါင်းရင်းမြစ်များ

मत्ती 15:32

येशूजी खीए चेलामैं खी ङाँर हुइसि बिइ, “चु म्‍हिमैं म्रोंसि ङए सैंर ल्‍हयो खइमुँ। सोंरो ओंनोंन् चुमैं ङने मुँ, तोगो चुमैंने चबै सै या तोइ आरे। ङइ चुमैं फोदेंन् खेंमैंए धिंर कुलदा आङ्हाँ। छलेन् कुलस्‍याँ चुमैं घ्‍याँर्न फो ख्रेंसि प्रलन् आखाँन् तयाब्मुँ।”

मत्ती 25:35

तलेबिस्याँ ङ फो ख्रेंमा क्‍हेमैंइ चल् पिंइ। ङ क्‍यु पिमा क्हेमैंइ क्‍यु थुँल् पिंइ। ङ अरू ह्‍युलर्बै मुँलेया क्‍हेमैंइ धिंर बोसि टिल् पिंइ।

मत्ती 25:36

ङ क्‍लुनान् मुँमा क्‍हेमैंइ क्‍वें खिमिंइ। ङ नमा क्‍हेमैं ल्होबर खइ। ङ झेलर मुँमा क्‍हेमैं ङ ङाँर त्‍होबर खइ।

मर्कूस 5:34

झाइले येशूजी च च्हमिरिने बिइ, “ओ नानि, क्‍हिए बिश्‍वासइ क्‍हि सयाइमुँ। आङ्हिंनले ह्‍याद्, तारे क्हिए नब सयाइ।”

रोमी 12:9

क्हेमैंइ फिब्लो पार्दिबै म्हाँया आलद्, क्‍ह्रोंसेंन्‍लेन् सैं न्होंउँइँलेन् म्हाँया लद्। आछ्याँबै केमैं पिवासि छ्याँबै केमैं लरिद्।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।