याकूब 1:8 - परमेश्‍वरए ताँ तमु क्युइर

⁸ तलेबिस्याँ सैं ङ्हिंरि लबै म्हि तो सैरै या केर आफेब् तम्।

याकूब 1:8 ပူးပေါင်းရင်းမြစ်များ

भजनमैं 119:113

सैं ङ्हिरि तबै म्हिमैं ङइ आखो, दिलेया क्हिए ठिम ङइ खोम्।

मत्ती 6:22

“ज्युर्बै बत्ति मि ग। छतसि क्‍हिए मि चारब मुँ बिस्याँ क्हिए ताँन् ज्यु या छ्याँब तसि चारब तम्।

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

याकूब 1:7

छाबै संक लबै म्हिइ प्रभुउँइँले तोइ योंम् उ बिसि आमैंलै तम्।

याकूब 4:8

क्हेमैंए सैं परमेश्‍वर ङाँइ एद्, झाइले परमेश्‍वरै या क्‍हेमैं ङाँर खब्‍मुँ। ओ पापिमैं! आछ्याँबै के लब् पिसि छ्याँबै के लद्। सैं ङ्हिंरि लब्मैं! क्हेमैंए सैं छ्याँब लद्।

२ पत्रुस 2:14

चमैंए सैं खोंयोंन् बिलै म्रिंस्योमैं ङाँइन तमुँ। आछ्याँबै केमैं लसि चमैं खोंयोंइ आम्रें, सैं फैल् आखाँब्मैंलाइ चमैंइ फस्ला फुस्लु लवाम्, छाबै केमैं लबर चमैं तालिम् योंबै म्हिमैं धोंन् तब् मुँ, छतसि चमैं सराप योंल् त्हुबै म्हिमैं ग।

२ पत्रुस 3:16

पावलइ चु ताँए बारेर खीए ताँन् प्ह्रिछ्यारि छले प्ह्रिइमुँ। प्ह्रिछ्यार मुँबै को-कोइ ताँमैं क्‍होब गारो मुँ। छतसि दे आखेब्‍मैं नेरो क्‍होबै सैं आलब्‍मैंइ चु ताँलाज्यै अरू छ्वेर्बै ताँमैं धोंलेन् लिग्याँने उग्याँ लवाम्। धै चमैंइ ह्रोंसए फिर्न नास पखम्।